Яңа Чишмә Интернат йортында Яңа ел бәйрәме булып узган

Интернат-йорт белгечләре әкият геройларына әверелеп, күңелле, матур музыкаль Яңа ел чарасы үткәргәннәр, дип хәбәр итәләр безгә Интернат -йорттан.

 Социаль хезмәт алучылар директор Залина Лизуновадан Интернат-йорт тормышында актив катнашканнары өчен Рәхмәт хатлары һәм бүләкләр алганнар, шулай ук эчке волонтерларның ярдәме дә билгеләп үтелгән, биредә яшәүчеләргә бүлмәләрне Яңа елга бизәгән өчен аерым призлар тапшырганнар. Әби-бабайлар шигъри һәм музыкаль конкурсларда катнашканнар, биегәннәр, җырлаганнар. Ә ахырда, гадәттәгечә, Яңа ел лотереясы уйнатканнар. Кыш Бабай һәркемгә Түбән Кама балалар йортында яшәүче сабыйлар ясаган бүләкләрне тапшырган. Шулай ук барысын да район волонтерлары бүләк иткән мандариннар белән сыйлаганнар.