Яңа Чишмә районының иң яхшы хат ташучыларга – бүләкләр

Азат Мусин, 25 март 2025 - 10:38

Безнең «районка»га язылу кампаниясе йомгаклары буенча иң яхшы почта хезмәткәрләренә бүләкләр тапшыру күркәм традициягә әверелде.

Бүген газетабызны 1200 гә якын кеше укый. Ел саен кайбер почта бүлекчәләре язылу буенча яхшы күрсәткечләр белән сөендерә. Алар арасында Шахмай, Черемухово Бистәсе һәм Әдәмсә почта бүлекчәләре аерылып тора.

Чистай почтамты тәкъдиме буенча «Яңа Чишмә хәбәрләре» газетасы редакциясе әлеге бүлекчә почтальоннары Мария Лисина, Гүзәлия Мортазина һәм Ләйсән Шишкинага үз бүләкләрен тапшырды.

1 апрельдән 2025 елның 2 нче яртыеллыгына язылу башлана һәм почта хезмәткәрләренең тагын да югарырак тиражлар белән шатландыруларын телибез. Бергә булыйк!

Районыбызда булган соңгы яңалыклардан хәбәрдар булып яшик.