Чертуш авылының мәдәният йортында «Кабак» бәйрәме узган

Малларга да сый, үзеңә дә файдалы ризык. «Кабак» бәйрәмен башта онлайн үткәрдек, төрле номинацияләрдә авылдашларыбыз фотолар җибәрделәр, ә республикабызның төрле районнарында яшәүчеләр шигырьләр язып көч сынаштылар. Без аларга электрон дипломнар да юлладык. Рәхмәт, Сезгә»,-дип хәбәр итә редакциягә Чертуш АМЙ мөдире Рәмзия Мусина.

 - Ә бүген мәдәният йортында офлайн «Кабак» бәйрәме күңелле узды. Үзешчән артистларыбыз - Миңсылу апа Мостафина, Галия Хәлиуллина, Мусина Чулпан һәм Саттаров Тимур «Кабак» дип исемләнгән театраль күренеш куйдылар. Соңыннан без авылдашларыбызны котлап, диплом һәм бүләкләр тапшырдык. Бәйрәмгә килүчеләр кабактан тәмле ризыклар, хәтта, кабак бәлеше да пешереп килгән иделәр. Рәхмәт. Бәйрәм ахырыннан тәмле чәйләр эчеп, сөйләшеп, җырлашып утырдык. Киләсе елга да уңышлар мул, илебез тыныч булсын иде!