Кыр эшләре көндәлеге

Хәзер көзге культуралар – бодай, арыш һәм рапс җыялар. «АгроРаздолье» ҖЧҖендә дә әйбәт темплар күзәтелә, анда һәркөнне 15 комбайн эшли. «Архангельское «КФХ» ҖЧҖендә дә, шулай ук фермерлар Марат Садыйков, Олег Анисимов, Айрат Шакиров, Кадрия Фәсахова һәм Рөстәм Исхаков та урып-җыюга керештеләр.

Бөртеклеләрнең уртача уңдырышлылыгы – 46,9 ц / га.

Урып-җыю белән бер үк вакытта чәчүлекләрне карау һәм терлек азыгы әзерләү дә дәвам итә. Чүп үләннәренә, корткычлар һәм авыруларга каршы 265 мең гектардан артык мәйдан эшкәртелгән (шул исәптән берничә тапкыр), 63 мең гектар чәчүлек җирдә өстәмә тукландыру кертелгән.

Атна башына 9150 тонна печән әзерләнгән һәм 20 мең тоннага якын сенаж салынган. Хәзер күпьеллык үләннәрне икенче тапкыр чабу башлана.