Яңа Чишмә хәбәрләре
  • Рус Тат
  • Нәфисәгә уңыш елмайган

    14 декабрьдә "Et Cetera" Мәскәү театрында тантаналы шартларда "Гражданлык инициативасы" беренче милли премияне тапшыру чарасы булып үткән. Аны 2012 елда булдырылган Гражданлык инициативасы комитеты оештырган. Элеккеге финанс министры Алексей Кудрин комитетны оештыру инициаторы булып торган һәм аны үзе җитәкләгән дә.

    Ел дәвамында жюри илнең 72 төбәгеннән килгән 500 ләп инициатива белән танышкан. Җиңүчеләрне "Чит кеше кайгысы булмый", "Гомерне сакла", "Яшел планета", "Ирек һавасы", "Киләчәк гаиләсе" (кыскасы, барлыгы 12 номинация) номинацияләрендә билгеләгәннәр. Быелгысы елның көзендә Воронежда, Ставропольдә, Казанда һәм Чиләбедә конкурсның региональ этаплары булып үткән. Быелдан башлап премия ел саен булачак.
    Тубылгы Тау мәктәбе укытучысы Нәфисә Хөсәенова әлеге премиягә авылда эшләп килүче "Киләчәк гаиләсе" номинациясендә "Балаларга бүләк" дип аталган гаилә проектын тәкъдим иткән. Октябрьдә ул Казанда үткән региональ премияне тапшыру чарасына чакырылган булган, анда Хөсәеновлар гаиләсенә кыйммәтле бүләк тапшырганнар.
    Декабрь башларында Экспертлар Советы "Гражданлык инициативасы" милли премиясенең 2013 ел номинантларын билгеләгән. Хөсәеновлар гаиләсенең "Балаларга бүләк" проекты "Киләчәк гаиләсе" дип аталган номинациядә 27 инициативадан - 6 номинант арасында, Татарстаннан 7 номинант арасында булган. Нәфисә Рафик кызы Мәскәүгә премияне тантаналы шартларда тапшыру чарасына чакырылган. Аңа номинант дипломы һәм кыйммәтле бүләкләр тапшырганнар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: