Җомга көнне, 26 февральдә Яңа Чишмәдә «Тоннель» операциясе узачак

«Автомобиль йөртүчеләргә рейд вакытында юлларда үзләрен тыныч хис итү өчен, нәрсәләргә игътибар итәчәгебезне белергә кирәк, - диде ЮХИДИ бүлеге инспекторы Айрат Сатдаров, - бу: автомобильнең техник төзеклеге;

түләнмәгән штрафлар булуы; әйләнештә тыелган әйберләр ташу;

документлар булу; юл хәрәкәте кагыйдәләре буенча пассажирлар ташу, (бигрәк тә балаларны); машинада аптечка, авария билгесе һәм сертификатлы, эшли торган ут сүндергеч булу».

Шулай ук машина йөртүче белән аралашу барышында аның сәламәтлегенә игътибар биреләчәк, шикле кешеләрне алкоголь яки наркотик куллану-кулланмауга тикшерәчәкләр.