Район газетасына язылу төгәлләнде

Без район җитәкчелегенә, район башкарма комитетының мәгариф һәм мәдәният бүлекләре башлыкларына, кайбер авыл җирлеге башлыклары һәм башка җитәкчеләргә язылу кампаниясендә ярдәм иткәннәре өчен рәхмәт белдерәбез. Алар үз коллективларында «Яңа Чишмә хәбәрләре»нә язылуны тиешле дәрәҗәдә оештырган.

Без шулай ук язылуны намус белән үткәргән почта элемтәсе хезмәткәрләренең күбесенә рәхмәтлебез.

Үз чиратыбызда без дә район газетасын кызыклы һәм эчтәлекле итү өчен бөтен көчебезне куячакбыз.

Газета шулай ук 12 полосалы булып чыгачак: анда 8 полоса – район материаллары, 4 полоса – «Атна вакыйгалары» булачак.

Хөрмәтле укучыларыбыз, 24 июльдә без язылучылар арасында 20 приз уйнатачакбыз. Анда катнашу өчен 200 гә якын квитанция килде (без аларны 22 июльгә кадәр кабул итәбез).

Р.s. Кем июньдә язылырга өлгермәгән, газетаны июльдә дә рәсмиләштерергә мөмкин; ул очракта газета августтан килә башлаячак.