Шахмай авылы музеенда Тәрбиячеләр көнен билгеләп үткәннәр

Шул уңайдан "Мирхәйдәр Фәйзи исемендәге Шахмай авылы тарихы музее" филиалы лаеклы ялда булган авыл тәрбиячеләрен һәм "Ромашка" балалар бакчасы хезмәткәрләрен бәйрәм кичәсенә чакырган.

“Без кунакларга әдәби биремнәр тәкъдим иттек. Алар мәкальләрне искә төшерделәр, табышмакларга җаваплар бирделәр, тиз арада төрле сорауларга да җаваплар таптылар. Моннан тыш, татар орнаменты рәсемнәрендә чигү буенча биремнәр булды. Бәйрәм ахырында без барыбыз да чәй табыны артында әңгәмәне дәвам иттек", - дип хәбәр итте редакциягә музей мөдире Гөлүсә Баһаветдинова.