Сыйфат яхшы булса, бәйрәмнәр күңелле узар
Яңа ел бәйрәмнәре алдыннан район хакимиятенең кече залында шәхси эшмәкәрләрнең район башлыгы В.М. Козлов белән очрашуы булып үтте. Башта Вячеслав Михайлович юбилярларны (эшмәкәрләр арасында андыйлар 6 кеше иде) котлады һәм аларга бүләкләр тапшырды. Очрашу башкарма комитет җитәкчесенең икътисад буенча урынбасары Н.И. Попкова тарафыннан оештырылган иде, аның максаты - сәүдә өлкәсендәге...
Яңа ел бәйрәмнәре алдыннан район хакимиятенең кече залында шәхси эшмәкәрләрнең район башлыгы В.М. Козлов белән очрашуы булып үтте.
Башта Вячеслав Михайлович юбилярларны (эшмәкәрләр арасында андыйлар 6 кеше иде) котлады һәм аларга бүләкләр тапшырды.
Очрашу башкарма комитет җитәкчесенең икътисад буенча урынбасары Н.И. Попкова тарафыннан оештырылган иде, аның максаты - сәүдә өлкәсендәге эшләргә йомгак ясау.
Район территориясендә 118 стационар сәүдә ноктасы эшли, алар гомуми мәйданның 5386 кв.м тәшкил итә. Җан башына сәүдә мәйданнары белән тәэмин ителеш уртача республика күрсәткеченнән ерак тора, әмма үсеш тенденциясе юк түгел. Шулай ук ваклап сатыла торган товарлар әйләнешенең артуы да күзәтелә.
- Бәйрәм алды һәм бәйрәм көннәрендә районның сәүдә нокталарында сатыла торган азык-төлек товарларының һәм составында спирт булган продукцияләрнең сыйфатына аерым игътибар итәргә кирәк, - диде Надежда Ивановна. Әлеге очрашуда татарстанда җитештерелә торган аракыны сату турында күп сөйләнде.
Эшмәкәрләргә үзләренең сәүдә нокталарын яңа ел бәйрәменә туры китереп бизәүдә иҗади якын килергә, бизәү өлкәсендә акчаны кызганмаска кирәклеге әйтелде, әгәр сатып алучыны матурлык, эстетик яктан җәлеп итә алсаң, әлеге чыгымнар икеләтә үзеңә кире кайтачак, шулай булганда гына сәүдә заллары буш булмас.
Лариса ФЕДОРОВА
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев