ТР Хезмәт, халыкны эш белән тәэмин итү һәм социаль яклау министры Яңа Чишмә районында булды

Ул Яңа Чишмәдәге Интернат-йортта булды, коллектив белән очрашты, социаль хезмәт алучыларның яшәү шартлары белән кызыксынды һәм сорауларга җаваплар бирде.

Аннан соң район башлыгы урынбасары Надежда Попкова, район башкарма комитеты җитәкчесе урынбасары Александр Еронтьев, РҮХ баш табибы вазыйфаларын башкаручы Наталья Роменская, мәгариф бүлеге начальнигы Анна Бутина, социаль яклау бүлеге начальнигы Наталья Гурьева һәм Мәшгульлек үзәге директоры Резеда Хөснуллина белән очрашты. Социаль эш буенча агымдагы мәсьәләләр турында фикер алышынды.