Яңа автовокзал булачак
Бу көннәрдә Яңа Чишмә гимназиясе янында яңа бина төзелеп ята - монда автовокзал булачак. Азат МУСИН
Нурлат шәһәреннән килгән төзелеш оешмасы бер ай элек төзү эшләрен башлап җибәргән иде, стеналары торгызылган инде. Төзелешнең сметада каралган бәясе 9 млн. сум тирәсе, акча республика бюджетыннан бүлеп бирелгән.
Район башкарма комитет җитәкчесе урынбасары Мәхмүт Гомәров безгә хәбәр итүенчә, автовокзалда 25 урынлык пассажирлар залы, ана һәм бала бүлмәсе, касса, буфет, полиция хезмәткәрләре өчен бүлмә, бәдрәфләр булачак. Банкомат урнаштырылачак һәм Интернет та тоташтырылачак. Территориягә асфальт түшәләчәк һәм төзекләндереләчәк.
Объектны агымдагы елның декабрендә файдалануга тапшыру планлаштырыла. Автовокзалны ачканнан соң монда барлык транзит автобуслар тукталачак, безнең рейс автобуслары да Казанга шуннан кузгалып китәчәк.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев