Яңа Чишмә районы командасы «Әйдә, ШаяРТ» татар КВН лигасының икенче этабына үткән

«Әйдә, ШаяРТ» Татар КВН лигасы - заманча телевизион форматтагы юмористик шоу. Быел исә ул 26 тапкыр үткән. Бәйгене ТР Мәдәният министрлыгы, ТР Яшьләр эшләре министрлыгы, Бөтендөнья татар яшьләре форумы һәм ТР КВН оештырган.

Фестивальгә төрле районнардан һәм регионнардан 21 команда килгән. Яңа Чишмә районының данын «Биш XL» командасында тупланган Чаллы Башы, Шахмай, Тубылгы Тау, Акъяр авылларының мәдәният хезмәткәрләре яклаган. Бу Миләүшә Халикова, Илсөяр Дәүләтшина, Айгөл Вафина, Гөлнара Сәлахова, Гөлфәния Ганиева.

Командалар икенче турга чыгар өчен барлык жюри әгъзалары елмайган смайлик күтәрергә тиеш булган һәм уен нәтиҗәләре буенча безнең команда 5 елмайган смайлик җыйган. Шулай итеп, конкурска килгән 21 команданың 18е икенче турга үткән, алар арасында «Биш XL» дә! Котлыйбыз!