Яңа Чишмә районында 465 кеше прививка ясаткан

Районда әле вакцина запасы бар (25 доза), шуңа күрә барлык теләүчеләр, аеруча да 60 яшьтән өлкәнрәкләр, прививка ясау өчен поликлиникага мөрәҗәгать итә алалар. Вакцинаның тагын бер партиясе кайтыр дип көтелә.

- Көн саен Татарстан буенча 38-40 авыру ачыклана, үлүчеләр саны 415кә җитте. Шуңа күрә, халыкның 60-70%ын вакциналаштырмыйча, авыруны җиңү бик авыр булачак, - дип билгеләп үтте Роспотребнадзорның баш белгече Гөлфирә Мостафина. - Үзегезне һәм якыннарыгызны саклау максатыннан, барыгызны да коронавирустан прививка ясатырга чакырам.

Соңгы атнада районда лабораториядә расланган авыру очраклары юк. Хастаханәдән тыш пневмониянең 7 очрагы һәм ОРВИның 13 очрагы теркәлгән.