Яңа Чишмә районында ревакцинация темпы кимегән

Хәзергесе вакытта район халкының күбесендә беренче вакцинацияне үткәннән соң 6 ай вакыт узып, кабат прививка ясату, ягъни, ревакцинация вакыты килеп җиткән.

Ревакцинацияне 1470 кеше үткән, гәрчә кабат прививка ясатырга тиешле кешеләр саны күбрәк булса да, - дип билгеләп үтте РҮХнең баш табибы вазыйфаларын башкаручы Наталья Роменская. - Шуңа күрә барыгызны да поликлиникага һәм җирле ФАПларга чакырабыз, вакцина бар.

Бу атнада 12-17 яшьлек балалар өчен «Спутник-М» вакцинасы да кайтарылган. Вакцинациягә әлегә 100гә якын бала язылган. 15 яшькә кадәрге балаларга прививка ата-аналар ризалыгы белән ясала.