Яңа Чишмә районында «Әти атнасы» бик күңелле үткән
«Әти көне» - календарьда яңа бәйрәм барлыкка килгән
Россиянең истәлекле даталары календаренда әти көне дигән яңа бәйрәм барлыкка килде. Әти - ул балачактан иң кадерле һәм яраткан кеше, ул рухи ярдәм итү генә түгел, ә тормышта җитәкчелек итүче көч тә.
Яңа Чишмә муниципаль районының белем бирү учреждениеләрендә атна дәвамында 11-16 октябрьдә балаларның яраткан бәйрәменә багышланган чаралар узган.
«Минем яраткан әтием» рәсем конкурсында башлангыч сыйныф укучылары һәм балалар бакчасы балаларының барысы да диярлек катнашкан.
«Минем әти - иң яхшысы» дигән темага сыйныф сәгатьләре барлык мәктәп укучылары катнашында үткән. Шулай ук «Әти атнасы» кысаларында мәктәп һәм мәктәпкәчә учреждениеләрдә «Әтиләребез һөнәре» дип исемләнгән әңгәмәләр узган, «Әтиләр көне белән!» - дип язылган открыткалар белән онлайн-акция үткәрелгән.
Балалар бакчаларында «Мин һәм әтием», «Минем әтием иң яхшысы» дигән видео - һәм фотоконкурслар узган.
- Атна балаларның һәм аларның әтиләренең уңай эмоцияләренә бай булды. Чөнки бала өчен ата-анадан да якын кеше юк. Бу кешеләр аны туган көненнән алып тормыш юлына кадәр озата бара, алар барысына да өйрәтәләр, ярдәм итәләр һәм яклыйлар, - дип үз кичерешләре белән уртаклашкан Яңа Чишмә районы мәгариф бүлеге начальнигы урынбасары Александр Улитин.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев