Яңа Чишмә районында - яңа җәмәгать судьясы

И. Ф. Камалиев 1980 елның 26 августында ТРның Питрәч районында туган. Югары белемле, 2002 елда Россия ЭЭМнең Казан юридик институтын тәмамлаган.

Бу вазыйфага билгеләнгәнче Россия ЭЭМнең Биектау районы буенча бүлек начальнигы булып эшләгән.

Өйләнгән, ике бала тәрбияли.

ТР буенча ЭЭМнең Мактаулы хезмәткәре.

Яңа Чишмә район суды һәм Яңа Чишмә районы буенча 1 нче суд участогы аппараты федераль судьялары җыелышында И. Ф.Камалиев тантаналы шартларда ант иткән.

Район суды рәисе Равил Закиров аны әлеге вазыйфага керешүе белән котлап, үз вазыйфаларын лаеклы һәм намус белән башкаруын теләгән һәм аңа Суд этикасы кодексын, шулай ук суд хакимияте символы буларак судьялар мантиясен тапшырган.

Илнар Камалиев ышаныч белдереп, яхшы кабул итүләре өчен барысына да рәхмәт җиткергән һәм кабул ителгән антны үтәргә вәгъдә биргән.