Яңа Чишмә районының авыл җирлекләреннән хәбәрләр

18 мартта Зирекле АҖ башлыгы Д.Г. Гайфетдинов, хатын-кызлар советы рәисе З. В. Сәлимова белән берлектә, җирле балалар бакчасында һәм лицейда бирелә торган кайнар ризыкның сыйфатын һәм  тукландыруның ничек оештырылуын тикшергәннәр.

Зирекле халык иҗаты һәм көнкүреше музеенда «Халык мәдәнияте – мәктәп укучыларына» акциясе кысаларында 1 - 4 сыйныф укучылары өчен «Киемгә карап каршы алалар» дигән квест үткәрелгән. Балаларга төрле халык киемнәре күргәзмәсе, китаплар, милли костюмнар төшерелгән альбомнар, шулай ук элеккеге заман фоторәсемнәре күрсәтелгән.

Черемухово мәктәбенең волейбол командасы ТР мәктәп волейбол лигасы кысаларында үткән кызлар арасындагы волейбол турнирының муниципаль этабында 1 урынны яулаган.

16 мартта Буревестник авыл җирлегендә подрядчы тарафыннан урам яктырткычларында янып чыккан светодиодлы лампаларны алыштыру үткәрелгән.