Яңа Чишмә районының мәчет имамнарына хәйрия ярдәме
Татарстанда республика мәчетләре имамнарына ярдәм күрсәтү буенча хәйрия акциясе дәвам итә.
Акция ТР мөселманнарының Диния нәзарәте каршындагы «Киләчәккә ышаныч белән» хәйрия фонды һәм «Зәкят» фонды тарафыннан Россия Мөселман эшмәкәрләре Ассоциациясе ярдәмендә үткәрелә.
26 октябрьдә фонд вәкилләре Яңа Чишмә районында булганнар һәм Яңа Чишмә, Чаллы Башы, Зирекле, Акъяр һәм Әдәмсә мәчетләре имамнарына азык-төлек һәм сәнәгать товарлары тутырылган пакетлар тапшырганнар.
Район мөхтәсибәте фондка шундый ярдәм күрсәткәне өчен рәхмәт белдерә, аның киләчәктә дә чәчәк атуын һәм эшмәкәрләргә бизнеста уңышлар тели.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев