Яңа Чишмә районының урак алдынгыларына премияләр тапшырылды

Комбайннарның беренче төркемендә «Агро-Основа» ҖЧҖдән Евгений ХОЛИН җиңүче дип танылды, ул «Лексион» комбайнында урып-җыю эшләре башланганнан бирле 174,6 тонна ашлык суктырган.

Комбайннарның икенче төркемендә «Игенче» ҖЧҖдән Александр СИДОРОВ атна лидеры булды, ул Дон-1500Б комбайнында 420 тонна ашлык суктырган.

«Агро-Основа» ҖЧҖдән Гаил ХӘЛИУЛЛИН өченче төркем комбайннарда атна җиңүчесе булды. Ул «Акрос» комбайнында урып-җыю эшләре башланганнан бирле 236 тонна ашлык суктырган.

Ә комбайннарның дүртенче төркемендә «Суворов Д.А.» КФХдан Михаил КОЗЫРЕВ атна лидеры дип танылды. Ул СК-5 «Нива» комбайнында атна эчендә 250 тонна ашлык суктырган.

Машина йөртүчеләр арасында икенче атна рәттән иң яхшы күрсәткечләр «Козлова М.И.» КФХдан Сергей ДОБРЫНИНда. Ул "КамАЗ" а/м-да атна эчендә комбайннардан 352 тонна ашлык ташыган (урып-җыю башланганнан бирле - 705 тонна).

Атна йомгаклары буенча ирешкән күрсәткечләре өчен комбайнчыларга һәм шоферга кызыл әләмнәр һәм премияләр тапшырылды – комбайнчыларга 4әр мең сум, ә шоферга - 2 мең сум.

Кызыл әләмнәр һәм акчалата премияләрне район башлыгы Вячеслав Козлов һәм районның авыл хуҗалыгы идарәсе начальнигы Леонид Богомолов тапшырдылар.

Район авыл хуҗалыгы идарәсенең 27 июльгә булган оператив мәгълүматлары буенча, 10 мең гектардан артык бөртекле культуралар суктырылган, бу барлык урып-җыю мәйданының 26% ын тәшкил итә, уртача уңыш - 15,5 ц/га.

«Закрома», «Игенче» ҖЧҖләрдә, «Козлова М.И.», «Скоков Н.А.», «Садыйков М.Х.» КФХларында мәйданнарның 48-55% ын җыеп алганнар.