Яңа Чишмә хәбәрләре

Яңа Чишмә районы

18+
Рус Тат
2024 - год Семьи
Район яңалыклары

Яңа Чишмә РМЙда үзешчән халык иҗаты «Соцветие народов» - «Халыклар дуслыгы» фестивале булып үтте

Шушы бәйрәмнән районда туган телләр һәм Халыклар бердәмлеге елына багышланган айлык старт алды.

22 гыйнварда район мәдәният йортында үзешчән халык иҗаты «Соцветие народов» - «Халыклар дуслыгы» фестиваленә РМЙ, авыл мәдәният йортлары һәм балалар сәнгать мәктәбенең балалар һәм өлкәннәр музыка коллективлары җыелды.

Фойеда фестивальдә катнашучыларны һәм кунакларны үзәкләштерелгән китапханәләр системасы оештырган чуаш, татар, рус, үзбәк һ.б. халык костюмнары һәм туган телләр һәм Халыклар бердәмлеге елы символикасы төшерелгән Балалар иҗаты үзәге эшләнмәләреннән күргәзмә каршы алды. Фестивальдә катнашучылар милли киемнәрдә ел эмблемасы фонында фотога төште. Татарстанда яшәүче халыкларның дуслыгын алар тамашачылар залына керү юлындагы символик «Дуслык агачы»ндагы төрле төстәге тасмалар бәйләп беркеттеләр. Тасмалар салават күперенең барлык төсләре белән ясалган – алсу, сары, яшел, зәңгәр, кызгылт-сары.

Фестивальне ачып, район башкарма комитеты җитәкчесе урынбасары вазыйфаларын башкаручы Александр Еронтьев: «Безнең республика күп милләтле, анда 140 тан артык милләт яши, безнең районда гына да – 18. Һәм һәр халык үз телендә сөйләшергә, мәдәниятне һәм гореф-гадәтләрне сакларга, ата-бабаларыбызны искә алырга хокуклы. Һәр тел һәм мәдәният бай һәм уникаль, без аларга хөрмәт белән карарга тиеш. Без салават күперендәге төсләр кебек, бердәм булып яшәргә, сөенергә тиеш. Бары тик бергә булганда гына без күпмилләтле уртак йортыбызда мөнәсәбәтләр матурлыгын һәм тынычлыкны булдыра алабыз», - диде.

Фестивальдә катнашучылар җыр-биюләрдә Татарстан Республикасында элек-электән яшәүче халыкларның мәдәнияте һәм гореф-гадәтләрен, аларның үзенчәлеген күрсәттеләр. Фестивальдә татар, чуаш, керәшен, рус, үзбәк, әрмән, казак халыклары мәдәнияте тәкъдим ителде.

«Зажигай», «Ак калфак», «Илем», «Архангел чибәре», «Шешминские зори» вокаль ансамбльләре, «Шешминка», «Родничок», «Армения» балалар хореография ансамбльләре, «Задоринка» балалар халык уен кораллары ансамбле, Илназ Шәйхетдинов, биюче Дилә Минабетдиновалар үзләренең чыгышларын тәкъдим иттеләр. Зур экрандагы фоторәсемнәр фестивальдә катнашучы һәр кеше һәм халык мәдәнияте белән таныштырды.

Музыкаль жанрларның, милли костюмнарның төрле төсләргә ия булуы бәйрәм атмосферасы тудырды, халыклар арасындагы дуслыкны күрсәтте.

Концертның төп тамашачылары мәктәп укучылары иде. Фестиваль азагында алып баручылар алардан: «Татарстанның барлык халыкларын нәрсә берләштерә дип уйлыйсыз?» дип сорагач, җавап та үзеннән-үзе әйтелде - бу гореф-гадәтләрдәге охшашлык. Фестивальнең соңгы аккорды булып республика гимны яңгырады – тамашачылар аны басып тыңладылар.

Чараны алып баручылар балаларга бер-берсе белән кулга-кул тотынырга куштылар. «Бу – халыклар бердәмлеге һәм дуслык символы булачак» һәм тамашачыларга: «дусларыгызның, якыннарыгызның җылы елмаюлары сезнең күңелләрегезне җылытсын һәм дусларыгыз күп булсын!», - диделәр.

Следите за самым важным и интересным в Telegram-каналеТатмедиа

Подписывайтесь на наш Telegram-канал "Шешминская новь"

 


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X