Яңа Чишмә түрәләрен декларацияләрдә дөрес булмаган мәгълүматлар өчен җәзага тартканнар
Яңа Чишмә районының 10 түрәсе үз декларацияләрендә ялган яки тулы булмаган мәгълүматлар тапшырган өчен җазага тартканнар.
«Барлыгы 97 муниципаль хезмәткәр үз керемнәре турында хисап тотты, анализ барышында дөрес һәм тулы булмаган мәгълүматлары бирү очраклары ачыкланды. Шулай итеп, транспорт сатудан кергән табышларны, төрле Федераль түләүләрне яшереп калу очраклары бар.
Тикшерү барышында кредит оешмаларында счетлар турында мәгълүматларны тапшырмау очраклары ачыкланды. Коррупциягә каршы тору законнарын бозган барлык хезмәткәрләр җәзага тартылды», —диде коррупциягә каршы тору мәсьәләләре буенча район башлыгы ярдәмчесе Ирина Лобачева.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев