Яңа Чишмәдә Бөек Җиңүнең 76 еллыгын бәйрәм итү уңаеннан автойөреш узган

8 май көнне Яңа Чишмәдә Бөек Җиңүнең 76 еллыгын бәйрәм итү уңаеннан автойөреш булган. Кичке сәгать 8 дә берничә дистә җиңел автомобильдән торган колонна район хакимияте бинасыннан старт алган һәм патриотик әләмнәр белән авыл урамнары буйлап узган.

Автомобильчеләр һәлак булган сугышчылар мемориалы янында туктап, мәңгелек ут янында «Хәтер шәме» акциясендә катнашканнар. Әлеге чара авыл җирлекләрендә дә узган.

Район үзәгендәге ике акцияне дә яшьләр эшләре буенча район бүлеге, «Бердәм Россия» партиясенең җирле бүлекчәсе һәм яшьләр оешмалары активистлары оештырган.