Яңа Чишмәдә «Куркынычсыз тәгәрмәч-2021» конкурсы узган

ТР Яңа Чишмә муниципаль районының Яңа Чишмә урта мәктәбе базасында Дәүләт автоинспекциясе хезмәтенең 85 еллыгына багышланган республика конкурсының муниципаль этабы узган.

Конкурста 15 команда, һәрберсендә 4әр катнашучы катнашкан. Алар - Яңа Чишмә районының белем бирү учреждениеләрендә укучы 9 яшьтән 11 яшькә кадәрге балалар.

Балалар юл хәрәкәте кагыйдәләрен белүдә, «Юл хәрәкәте кагыйдәләрен белүчеләр», «Беренче ярдәм күрсәтү нигезләрен белү», «Велосипедны фигуралы йөртү» станцияләрендә ярышканнар, яраткан транспорт төре – велосипед белән ничек оста һәм куркынычсыз идарә итүләрен күрсәткәннәр. Балалар «Бергә - юл хәрәкәте иминлеге өчен» дигән иҗади конкурста осталыкларын күрсәткәннәр.

Шулай да, һәрвакыттагыча, ярышлар барышында иң яхшылары, ягъни «Куркынычсыз тәгәрмәч - 2021» республика конкурсының муниципаль этабында җиңүчеләр ачыкланган. Алар - Яңа Чишмә урта мәктәбенең яшь ЮИД командасы. Икенче урын Тубылгытау мәктәбе командасы, өченче урын Ленино мәктәбе командасына бирелгән. Беренче урынны алган Яңа Чишмә мәктәбе командасы конкурсның зона этабында катнашачак.

«Үткәрелгән чара район укучылары юл хәрәкәте кагыйдәләрен, тормыш иминлеге нигезләрен яхшы белүләрен, велосипед белән имин идарә итүләрен тагын бер кат күрсәтте», - диде Юл хәрәкәте иминлеген пропагандалау буенча инспектор Айрат Сатдаров.