Яңа Чишмәдә яшәүче берәү машина йөртү хокукыннан мәхрүм ителгән

2022 елның 24 маенда кичке сәгать 11ләр тирәсендә район үзәгендә яшәүче 47 яшьлек гр. Т. Ленин урамында УАЗ а/м белән исерек килеш идарә иткән.

Алкотестер ярдәмендә медицина тикшерүе аның исерек булуын күрсәткән.

гр. Т. медицина тикшерүе нәтиҗәләре белән килешкән, эшне тикшерүгә  җәмәгать судына килмәгән.

Яңа Чишмә суд районы буенча 1 нче суд участогы җәмәгать судьясы карары белән гр. Т. РФ КоАПның 12.8 ст.1өлешендәге административ хокук бозуда гаепле дип танылган, ул 1 ел да 6 айга транспорт белән идарә итү хокукыннан мәхрүм ителгән, аңа 30 мең сум күләмендә штраф билгеләнгән.

- Карар 2022 елның 12 июлендә законлы көченә керде, - дип хәбәр итте Яңа Чишмә районының ЮХИДИ бүлеге начальнигы вазыйфаларын вакытлыча башкаручы Раил Шәфигуллин.