Яңа Чишмәдә яшьләр үзәге ачылуы көтелә

Шимбә, 26 февральдә, Яңа Чишмә районында эш сәфәре белән Татарстан Республикасы Яшьләр эшләре буенча министрның беренче урынбасары Ринат Садыйков булып киткән. 
Ринат Садыйков визитының төп максаты - элеккеге һөнәри училище бинасы белән танышу булган, аны реконструкцияләргә һәм аның базасында яшьләр үзәген ачу тәкъдим ителгән. 
 Ринат Наил улы фикеренчә, ул авыл яшьләренең иҗтимагый тормыш үзәге булачак, анда алар үз проектлары белән килеп, үз инициативаларын тәкъдим итә алачак.
Министр урынбасары шулай ук «Факел» лагерында да булган һәм 2022 елның җәендә ачылачак сменаларга әзерлек барышы белән танышкан.