Яңалыклар 20 гыйнвар 2012 ел
Яңа билгеләнү Район башлыгы ризалыгы һәм Россия Саклык банкының Чистай бүлеге управляющие фәрманы белән Саклык банкының Яңа Чишмә өстәмә офисы мөдире итеп ЗАЙЦЕВА Мария Николаевна билгеләнде. Ул 1989 елда Архангел Бистәсендә туган, югары белемле, 2010 елда Казан икътисад, идарә һәм хокук институтының икътисад факультетын тәмамлаган, бу эшкә билгеләнгәнче шул ук...
Яңа билгеләнү
Район башлыгы ризалыгы һәм Россия Саклык банкының Чистай бүлеге управляющие фәрманы белән Саклык банкының Яңа Чишмә өстәмә офисы мөдире итеп ЗАЙЦЕВА Мария Николаевна билгеләнде. Ул 1989 елда Архангел Бистәсендә туган, югары белемле, 2010 елда Казан икътисад, идарә һәм хокук институтының икътисад факультетын тәмамлаган, бу эшкә билгеләнгәнче шул ук банкта контролер-кассир булып эшләде. Әлегә чаклы бу вазыйфаны башкарган С.О. Артемьева декрет ялына китү сәбәпле, шәхси гаризасы нигезендә эштән азат ителде.
Сөт сату арта
Малларны әйбәт караганга һәм тиешенчә ашатканга район хуҗалыкларында сөт сату арта, ул 2011 елга карата 126 процент тәшкил итә (9,3 тоннадан артык сөт күбрәк тапшырыла).
"Скоков Н.А.", "Вәлиев Ф.Р." КФХ, "Татарстан" а/ф-ның Тубылгы Тау бүлекчәсе алдынгылар сафында. Соңгы атнада "Архангельское", "Савельев А.А." һәм "Вәлиев Ф.Р." КФХ сөт сатуны шактый арттырдылар.
Сайлап алына
2012 елның 25 гыйнварында көндезге сәгать 2дә Яңа Чишмә авылы, Совет урамы, 80 йортта Башкарма комитетның Төзелеш, архитектура һәм ТКХ бүлегендә (тел. 2-30-31) "Торак-коммуналь хуҗалыкка реформа ясауга булышлык күрсәтү фонды турында"гы Федераль закон (25.07.2007, №185-ФЗ) программасы буенча күпфатирлы йортларга капиталь ремонт үткәрү буенча подряд оешмаларын сайлап алу була.
Чираттагы командировка
Россия ЭЭМ боерыгы нигезендә, 2012 елда Сочида көзге-кышкы сезондагы ярышларга әзерләнү һәм үткәрүдә тәртип һәм җәмәгать куркынычсызлыгын тәэмин итү буенча бурычларны үтәү йөзеннән, Татарстан Республикасыннан Адлер шәһәренә 300дән артык кешедән торган ике отряд оештырылачак һәм җибәреләчәк. Отрядлар составына Россия ЭЭМның "Черемшанский" муниципальара бүлегенең полиция хезмәткәрләре дә керәчәк. 20 гыйнварда полициянең участок уполномоченные, полиция лейтенанты Сергей Кашаев, махсус кабул итү бүлмәсендә эшләүче полициянең өлкән сержанты Игорь Сорокин һәм вакытлыча тоту изоляторында хезмәт итүче полициянең өлкән сержанты Рамил Сафин 3 айга хезмәт командировкасына китәчәкләр.
Китәр алдыннан полициянең бүлек начальнигы, полковник Ф.Ф. Мингазов әлеге хезмәткәрләргә хезмәтне намуслы һәм профессиональ төстә башкаруларын, куелган бурычларны намус белән үтәп, өйләренә исән-сау әйләнеп кайтуларын теләде.
Эш судта
2011 елның декабрь аенда исерек килеш полиция хезмәткәренә һөҗүм иткән өчен кулга алынган гр. З. суд каршында җавап тотачак.
Яңа Чишмә ЭЭБ-нең кизү тору бүлегендә булган гр. З., үзенең гамәлләренең начар булганын белә торып, полиция участковые М.ның башына 2 мәртәбә йодрыгы белән суга, нәтиҗәдә полиция хезмәткәре физик авырту һәм травма ала. Хәзергесе вакытта эш судка җибәрелгән.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев