Яңалыклар 21 декабрьгә 2011 ел
Бәйрәм белән, энергетиклар! Ел саен, 22 декабрьдә билгеләп үтелә торган бәйрәм - Энергетиклар көне уңаеннан муниципаль район башлыгы, "Бердәм Россия" БСП-нең җирле бүлеге сәяси советы секретаре Вячеслав Козлов һәм район башкарма комитеты җитәкчесе Ринат Фәсахов шушы тармак хезмәткәрләрен бәйрәм белән котладылар. Котлауда, хәзергесе заманда электр энергиясеннән, уттан һәм безнең тормышыбызны...
Бәйрәм белән, энергетиклар!
Ел саен, 22 декабрьдә билгеләп үтелә торган бәйрәм - Энергетиклар көне уңаеннан муниципаль район башлыгы, "Бердәм Россия" БСП-нең җирле бүлеге сәяси советы секретаре Вячеслав Козлов һәм район башкарма комитеты җитәкчесе Ринат Фәсахов шушы тармак хезмәткәрләрен бәйрәм белән котладылар.
Котлауда, хәзергесе заманда электр энергиясеннән, уттан һәм безнең тормышыбызны күпкә җиңеләйтүче электр белән эшләүче көнкүреш җиһазларыннан башка яшәүне (бигрәк тә производствоны) күз алдына да китереп булмый. Электр энергиясе куллану елдан-ел арта бара. Электр челтәрләре хезмәткәрләре кулланучыларны электр энергиясе белән өзлексез тәэмин итеп торалар. "Энергосбыт" хезмәткәрләре кулланган электр энергиясе өчен акчаның вакытында түләнүенә даими контрольлек итә, дип билгеләп үтелә.
Энергетикларга авыр, кайвакыт куркыныч та булган хезмәтләрендә уңышлар, ныклы сәламәтлек, гаилә иминлеге һәм бәхет теләнә.
Эшлекле атна
Муниципаль район башлыгы Вячеслав Козлов район үзәге предприятиеләре һәм учреждениеләре җитәкчеләре белән үткәргән планеркада кайбер мәсьәләләр тикшерелде.
Район башкарма комитет җитәкчесе урынбасары Валентина Семеняк Яңа елга хәзерлекнең барышы турында сөйләде. КМС заводы, РҮХ, Мәшгульлек үзәге, гимназия һ.б. үз территорияләрен әйбәт бизәгәннәр. Ут белән бизәү дә 2010 елдагыдан әйбәтрәк. Шушы көннәрдә бизәлешкә йомгак ясалачак.
РПФ начальнигы Лилия Хираҗева булачак пенсияләргә өстәмә дәүләт ярдәме программасының барышы, аларны арттыру алымнары турында сөйләде.
"Кристалл" ҖЧҖ директоры Петр Нестеров коммуналь түләүләрнең җыелышына анализ ясады, ул 95,2% тәшкил итә, эш дәвам итә, усал ниятле бурычлы гражданнар белән аерым эш алып барыла.
Сөт сату арта
2010 ел белән чагыштырганда сөт 7 тоннага (122 процент) күбрәк сатыла.
"Козлов В.В.", "Вәлиев Ф.Р.", "Нурхамәтов З.М." КФХ, "Игенче" ҖЧҖ тә күрсәткечләр әйбәт, "Садыйков М.Х." КФХ, "Татарстан" агрофирмасының Чертуш һәм Сосновка бүлекчәләре бу эштә калышалар.
Волейболда - иң көчлеләре
17 декабрьдә районда 18 мәктәп командасы арасында волейбол буенча ярышлар булып үтте.
Егетләрдән торган 12 команда "Олимп" УСЗда, ә кызларның 6 командасы Яңа Чишмә урта мәктәбе спорт залында ярышты. Җиңү өчен көрәш кичке 7гә кадәр барды, нәтиҗәдә көчлеләр дә ачыкланды. Зиреклеләр - беренче, Ленино командасы - икенче, Петропавел Бистәсе укучылары - өченче булды. Яшүсмерләр турнирында Шахмай мәктәбе җиңде, Ленино - икенче, Зиреклеләр өченче урында. Әлеге командалар тиешле дәрәҗәдәге дипломнар һәм кыйммәтле бүләкләр белән бүләкләнделәр.
Бер атнага - ике суицид
Үткән атнада районда ике яшь кеше үз гомерләрен үзләре чикләгән.
Район үзәгеннән 22 яшьлек А.ны һәм Ленинодан 29 яшьлек И.ны элмәккә менәргә нәрсә мәҗбүр иткән, боларын тикшерү ачыклый.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев