Яңалыклар 23 декабрьгә 2011 ел
Поликлиниканың эш графигы Яңа Чишмә РҮХ барлык яңачишмәлеләрне дә якынлашып килүче Яңа ел белән котлап, барысына да исәнлек һәм бәхет тели. Бәйрәм көннәрендә авырап китүчеләр булса, табиблар ярдәм итәчәкләр. Поликлиника ул көннәрдә ягъни, 2011 елның 31 декабрендә, 2012 елның 3, 4, 5, 6 һәм 9 гыйнвар көннәрендә сәгать 8дән 12гә...
Поликлиниканың эш графигы
Яңа Чишмә РҮХ барлык яңачишмәлеләрне дә якынлашып килүче Яңа ел белән котлап, барысына да исәнлек һәм бәхет тели. Бәйрәм көннәрендә авырап китүчеләр булса, табиблар ярдәм итәчәкләр. Поликлиника ул көннәрдә ягъни, 2011 елның 31 декабрендә, 2012 елның 3, 4, 5, 6 һәм 9 гыйнвар көннәрендә сәгать 8дән 12гә чаклы эшли. Хастаханә исә гадәти режимда эшләячәк.
Язылу төгәлләнә
"Шешминская новь" һәм "Яңа Чишмә хәбәрләре" район газетасына язылу төгәлләнә. 21 декабрьгә алынган мәгълүматларга караганда, газетабызга 2700 абунәче язылган. 2012 елның беренче яртыеллыгына газетага язылырга өлгерми калучыларны 28 декабрьгә чаклы элемтә бүлекләрендә көтеп калалар.
Яңалыклар укыгыз
Хәзер район тормышындагы иң кызыклы вакыйгаларны Интернет челтәрендәге сайттан да карарга мөмкин. Биредә яңачишмәлеләр игътибарына яңалыклар бите, урындагы вакыйгалардан фоторепортажлар тәкъдим ителә. Сайтка керер өчен эзләү системасында (Яндекс) "Яңа Чишмә муниципаль районын" гына табасы.
Клуб төзеләчәк
2012 елда Акбүре авылында 280 урынга исәпләнгән мәдәният йорты һәм 288 квадрат метр мәйданлы спорт залы төзү планлаштырыла.
Заказ бирүче "Баш инвестиция-төзелеш идарәсе" ГКУ, ә подрядчы "Стройсервис" ЯАҖ (җитәкчесе Хәлим Билданов) булачак.
Яңа автостанция булачак
2012 елда Яңа Чишмәдә Ленин урамында модульле автовокзал төзү планлаштырыла.
Аның зурлыгы 180 кв. м булачак. Көтеп тору залы 30 кешегә исәпләнгән. Ана һәм бала бүлмәсе, санузел һәм башка мөһим бүлмәләр булдыру күздә тотыла.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев