90 яшьлек юбилей – үзенә бер төрле бәйрәм

Күп санлы туганнары-уллары, киленнәре, оныклары һәм оныкчыклары аны әлеге гомер бәйрәме белән котлаганнар. Авыл хакимияте вәкилләре һәм АМЙ хезмәткәрләре юбилярга Президент котлавын да җиткергәннәр. Алар бүләкләр, котлаулар белән килгәннәр һәм аның өчен матур җырларын да бүләк иткәннәр.
Без Степан Федорович янында кунаклар таралып, табыннар җыелып, бар да тынып калгач булдык. Йөзенче яшькә киткән Степан агага биргән беренче соравыбыз да бик гади иде. Әлеге олы яшьтә сез үзегезне ничек хис итәсез? – диюебезгә: “Яхшы. Телевизор карамыйм, газет укымыйм (күзләремне саклыйм). Күбрәк кешеләр белән аралашам, чиркәүгә йөрим”, - дип җавап бирде.
Әйтергә кирәк, бу чиркәү өченчесе инде, аларны төзүдә һәм реставрацияләүдә Степан Федорович үзе дә катнашкан. Бу Ленинодагы әлеге гыйбадәт йорты (2014 елда янгында зыян күргән иде), Архангел Бистәсендәге Вознесения чиркәве һәм Ленинодагы яңа Димитрий Солунский чиркәве.
- Мин һәрчак Ходайга табынып яшәдем, тик бу хакта аңа сөйләргә мөмкинлек кенә булмады. Әтием урманда эштә үлгән вакытта миңа ун яшь иде, ә әнием биш бала белән калды, ярты елдан соң алтынчысы туды. Дүртенче сыйныфны мин колхозда да эшләп, берьюлы бетердем. Чәчүче дә булдым, атлар белән Чистайга бөртек тә ташыдым, җир сөрдем, ярты гектар җир сөргән чаклар да булгалады. Сменага өч ат бар иде: берсе арыса, икенчесен җиктем, икенчесе арыса – өченчесен. Төннәрен кырда кунып та кала идем. Үзем арый идемме? Шулайдыр, әмма планны үтәргә кирәк иде. Ә сугыш елларында без, ленинолылар, өчәр план үти идек. Барыбыз да соңгы көчкә кадәр эшләдек. Хатыным Анна, яшь кыз чагында кырда эшләгәндә, очраклы рәвештә чәнчә бармагын урак белән кискән иде. Эшләрнең барысы да кулдан һәм атлар ярдәмендә башкарылды. Шуңа күрә ат минем өчен иң яраткан хайван, ул хөрмәткә лаек. Хәтта барысы да техникага утыргач та, мин аңа тугры калдым, шәхси хуҗалык өчен ат сатып алдым. Ындыр табагында эшләгәндә, колхозда бригадир булганда, мин аның белән эшкә йөрдем. Үз гомеремдә техниканы үзләштермәвемә начар күрүем дә йогынты ясады, шул сәбәп белән мине армиягә дә алмадылар, - дип сөйләде юбиляр үзе турында.
Тик авыл халкы аның хакында күбрәк сөйли. Мисал өчен, Ленино АҖ башлыгы Виктор Веретенников:
- Аның теләсә нинди вазыйфасы шактый вакыт һәм җаваплылык таләп итте һәм ул аны тиешенчә үтәде, бернинди эштән дә качмады һәм үзен үзсендермәде.
Ике кеше өчен – үзем һәм хатыным өчен эшләдем. Улларым Николай һәм Александр да үсеп җиттеләр, алар чөгендер һәм мәк кырларында, шәхси хуҗалыктагы эшләрдә булыштылар.  Ул елларда барысына да – олысына да, кечесенә дә эш җитәрлек иде. Шуңа күрә алар хезмәт сөючән һәм хөрмәткә лаек кешеләр булып үстеләр.
- Степан Федорович оптимист кеше, - дип сөйли АМЙ директоры Светлана Питеркина, - башкача булуы мөмкин дә түгел: аның тормыш юлына байтак сынаулар эләккән һәм шуларның иң авыры – яраткан кызының озакка сузылган авыруы. Сигез айлык чагында ук Лена каты авыру кичергән һәм шуннан инвалид булып калган. Аның әнисе Анна бу авыртуны бик тә авыр кичергән, көнен-төнен кызының сәламәтлеге өчен көрәшкән, аны дәваларга тырышып, бөтен көчен һәм акчасын биргән, тик уңышсыз: Лена авырап 40 ел яшәгән. Шушы еллар дәверендә гаилә башлыгы, булдыра алганча, хатынына гел ярдәм итеп торган. Ул үзенең якыннарын бик кызганган, тик алар янында сер бирмәгән, оптимист булган һәм шул рәвешле аларга көч биргән.
Ә Степан Федоровичның үзенә чиркәү стеналарындагы догалар бүгенгәчә көч биреп тора һәм булыша. Хәзер, хезмәт юлы артта калгач, ул чиркәүдәге бер генә хезмәтне - гыйбадәтне дә калдырмый. Ходайдан ниләр сорыймы? Җир йөзендә булган гөнаһларны кичерүен, татулык һәм тынычлык, кешелеклелекне коткаруы турында. Шулай ук чиркәүгә үз юлын тапмаган кешеләр өчен дә Ходайдан ярдәм сорый ул.
Лариса ФЕДОРОВА