Балигъ булмаганнарның хокуклары сагында
2 октябрьдә Екатерина Бистәсеннән уңышсыз гаилә буларак КДН-да исәптә торучыларның спиртлы эчемлекләр куллануы хакында килгән хәбәр буенча балигъ булмаганнар эшләре буенча комиссия чираттан тыш рейдка чыкты.
Т. гаиләсендә кече яшьтәге дүрт бала тәрбияләнә, хәзергә аларның берсе дә бакчага йөрми. Сәбәбе дә гади - әни кешенең балаларын илтеп, алып кайтып йөрисе килми, өстәвенә бакча өчен түләргә акчалары да юк (4 мең сум бурычлары да бар). Хәер, әниләре башкача аклана, янәсе балаларга өйдә әйбәтрәк. Ул аларны банан белән сыйлый, өстәлгә виноград менеп кунаклый. Тик эшкә йөрмәгән, инде атна буе эчеп яткан, ямьсез телле әтиләре генә дә балаларга үз "үрнәген" күрсәтә. Балалар бакчасыннан аермалы буларак, ата-ана аларга рухи, әхлакый, физик тәрбия бирә алмый.
КДН үз тәкъдимнәрен җиткерде: балаларның олыракларын бакчага илтергә, ата кешегә эшкә чыгарга.
Гражданка Н.ның ике баласы өйдә яшәми дә диярлек: әбиләрендә аларга уңайрак. Шулай да малайлар мәктәптә начар укыйлар, берсенә әле ДЙА (ГИА) бирәсе. Әни кеше балалары белән шөгыльләнми, үзе эшкә дә йөрми. Әллә кайчан стенага обой ябыштыра башлаган булган, анысын да төгәлли алмый, идәннәр дә юылмаган, өстәл җыештырасы да юк - ул буш. Иртәгә эшкә чыгарга вәгъдә бирде, янәсе аны тынычлыкта гына калдырсыннар. Тик эшкә чыкмаган.
Менә тагын ике балалы бер ана (ике олырак баласына ата-ана хокукыннан мәхрүм ителгән), шул авылда ана капиталына йорт сатып алган, йортны тәртипкә китергәннәр, бар да әйбәт кебек. Тик өйләре салкын. Җәй җитүгә бурычлары өчен җылытудан өзгәннәр. - Мондый өйдә кечкенә балаларга яшәргә ярамый, - дигән нәтиҗәгә килделәр комиссия әгъзалары. Әмма Олеся ире бүген эштән кайтачак һәм бурычны түлиячәк, дип ышандырды, димәк өйдә җылылык булачак.
С. гаиләсендә дә шулай ук балигъ булмаган балалар яши, ә аларның өйләрендә барысы да яхшы түгел, хәзер гаиләнең матди хәле яхшырган. Әгәр дә әти-әниләре спиртлы эчемлекләрдән бөтенләй баш тартсалар - хәлләр уңай якка китәчәк.
Опека һәм попечительлек буенча бүлек вәкилләре белән опекага алынган ике гаиләдә булу - бу өйдә игътибарлылык, изгелек, җаваплылык тоеп яшәүче кешеләр яшәгәнлеген күрсәтте. Кыскасы, аларның барысы да яхшы.
Екатерина Бистәсендәге урта мәктәптә комиссия утырышы булды. Утырышка күзгә-күз карап сөйләшер өчен мәктәптә исәптә һәм ПДН-да исәптә торучы дүрт укучы чакырылган иде. Укытучылар әйтүенчә, алар тарафыннан тәртип бозулар башка булмаган. Балалар белән мәгариф бүлеге начальнигы, психолог, полициянең участок уполномоченные һәм район прокуроры урынбасары әңгәмә алып барды. Әлеге укучыларның тәртипләре тулысынча төзәлер дигән өмет бар.
КДН рәисе Валентина Семеняк үткәрелгән рейдка нәтиҗә ясады.
- Комиссия тарафыннан опекага алган гаиләләрдә өлкәннәрнең спиртлы эчемлекләр куллану факты расланды. Эчкечелекне эшкә урнаштыру гамәле белән бетерергә дигән карар кабул ителде, тик авылда эш юк. Мәшгульлек үзәге хезмәткәрләре район үзәгендә эш урыннары тәкъдим итәләр - монда эш бар. Әмма беркемнең дә эшлисе генә килми.
Бу авылда яшьләр арасында алкогольгә каршы профилактика эше үз көчен ала - яшьләр эшләре буенча бүлек әлеге проблеманы хәл итүгә кереште. Клубта мәдәни чаралардан тыш, авыл яшьләре өчен кич белән мәктәп спорт залында секцияләр эшли башлады.
Кызганычка каршы, икенче көнне шушы авыл халкы балигъ булмаганнар эше буенча комиссия әгъзалары китү белән үк шушы гаиләләрдә эчкечелекнең кабат баш калкытуы хакында хәбәр иттеләр.
Газетабызның novo-shishminck.ru сайтында үз фикерләрегезне калдыра һәм фото-рәсемнәрне карый аласыз.
Лариса ФЕДОРОВА
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84