Бергәләшеп бәйрәм иттеләр
21 ноябрьдә Изге Чиркәүдә Михайлов көнен билгеләп үттеләр. Бу көнне Казан епархиясенең Архистратиг Михаил хөрмәтенә изгелән-дерелгән 20 мәхәлләсе шушы бәйрәмне билгеләп үтте, алар арасында Архангел Бистәсендәге Вознесения чиркәве дә бар. Лариса ФЕДОРОВА
Михайлов көнен - халык телендә ул шулай дип атала - бәйрәм итү Архангел Бистәсенең Вознесения чиркәвендә башланды, монда җирле халык кына түгел, ә күрше авыллардан дин тотучылар да, шулай ук район җитәкчелеге һәм Чистайдан да кунаклар килгән иде. Вознесения чиркәвендәге өлкән поп Георгий атакай, Яңа Чишмә Троицк чиркәвеннән Петр атакай һәм Петропавел чиркәве өлкән попы Митрофан атакай бергәләп гыйбадәт кылдылар. Гыйбадәт кылу тәмамлангач, чиркәүгә килгән кунакларга һәм мәхәллә халкына Георгий атакай чыгышы белән мөрәҗәгать итте, ул барысын да бәйрәм белән котлады, кешенең рухи кыйммәтләре турында сөйләде һәм сүзне район башлыгы Вячеслав Козловка бирде. Район башлыгы да котлауларга кушылды, чиркәү эчендәге үзгәрешләрне күреп, тәэсирләре белән уртаклашты һәм Георгий атакайга 50 мең сумга сертификат тапшырды. Евгений Александрович Белоглазов кунакларга чиркәү тарихы турында сөйләде. Ул авыл халкы өчен бу елның әһәмиятле булуы, Вознесения чиркәвенә нигез салуга 135 ел һәм яңадан торгызылуына 15 ел тулуы турында искә алып узды. «Архангельское» КФХ җитәкчесе Е.А. Белоглазов бу бәйрәмне авылдагы дин тотучылар гына түгел, ә укучылар да билгеләп үтүе - 21 ноябрь Архангел урта мәктәбендә ял көне дип игълан ителүен әйтеп үтте. Архангел авыл җирлеге башлыгы Нина Сердюк һәм Ленино АҖ башлыгы Виктор Веретенников барысын да бәйрәм белән котладылар. Бәйрәм ашы мәктәп ашханәсендә үтте.
Рәсемдә: В.Козлов, Е. Белоглазов, Петр, Георгий һәм Митрофан атакайлар
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев