Елга йомгак ясалды
25 гыйнварда, чәршәмбе көнне, Советның утырышлар залында 2011 елда халыктан сөт сатып алу мәсьәләсе буенча киңәшмә үтте, аны район башлыгы Вячеслав Козлов үткәрде. Евгений СТАРОВ
Киңәшмәдә район башлыгы урынбасары Наилә Закирова доклад белән чыгыш ясап, ул халыкның үзеннән арткан сөтне сатып алу буенча эшкә анализ ясады. Районда шәхси хуҗалыкларда 2200 баш сыер исәпләнә, былтыр халыктан 4024 тонна сөт сатып алынган, бу район буенча сатылган барлык сөтнең 17 процентын тәшкил итә. Уртача бер сыердан 1859 килограмм сөт сатылган, бу 2010 елгы дәрәҗәгә карата 126 процент тәшкил итә. 100 йортка туры килгән сыерлар санын алсак, узган ел Красный Октябрь, Ленино, Буревестник, Яңа Чишмә һәм Черемухово авыл җирлекләрендә малларның азаюы билгеләп үтелде. Районда шәхси сектордагы сыерларны ясалма орлыкландыру эше начар куелган. Узган елгы май аеннан бирле нибары 214 баш сыер гына шушы юл белән орлыкландырылган. Шахмай һәм Красный Октябрь АҖ-дә сөт хәзерләү 2010 елдагыдан түбән. Узган ел сөт җыючылар Владимир Горбунов (8694 ц), Фидания Шәйхетдинова (7197) һәм Чулпан Сөләйманов (6437) сөтне башкалардан күбрәк хәзерләгәннәр. Кайбер сөт җыючылар адресына халыкка акча түләүне тоткарлаган өчен, сыйфатына контрольнең йомшак булуы, эштә өзеклекләр, сөт суыткыч алырга теләмәүләре нисбәтеннән тәнкыйть сүзләре яңгырады. 2011 ел нәтиҗәләре буенча хәзерләү бәяләре КМС заводы буенча - 10 сум 78 тиен, "Карат" СПК да - 11 сум 40 тиен билгеләнгән. Тапшырылган сөт өчен район халкы 43,3 миллион сум акча алган, әгәр бөтен сөт беренче сорт белән тапшырылган булса, сөт тапшыручылар тагын 415 мең сум, югары сортлыны тапшырсалар - 5 млн. сум акча алган булырлар иде. Төрле торак пунктлар буенча иң яхшы сөт тапшыручылар арасында шактый аерма бар. Әйтик, Волчья Бистәсеннән Валентин Остолопов 20540 литр сөт тапшырып, гаилә бюджетын 200 мең сумга тулыландырган булса, Архангел Бистәсеннән Дмитрий Любимов 2340 литр сөт тапшырып, 25 мең сум акча эшләгән.
2011 елда һәм быелның гыйнварында сөт сатып алу нәтиҗәләре турындагы мәгълүматлар белән КМС заводы директоры Федор Бурчин, "Карат" СПК җитәкчесе Фәрит Вәлиуллин һәм Шахмай АҖ башлыгы Рифгать Миръякуповлар чыгыш ясады.
Авыл хуҗалыгы идарәсенең селекция - нәсел хезмәте начальнигы Илшат Дәүләтшин ясалма орлыкландыру пунктларының эше турында хәбәр итте. Әлегә халык ясалма орлыкландыруның файдалы булуын аңлап бетерми һәм сыерларны өйдә үстерелгән үгезләр белән каплатуны дәвам итә, бу исә нәселнең продуктив сыйфатын начарлата. Ә ясалма орлыкландыру өчен сперма (җенес орлыгы) (ана ягыннан продуктивлык буенча елына 8дән 12 мең литрга чаклы сөт алына) нәселне һәм булачак бозауларның продуктивлыгын шактый яхшырта.
Иң яхшы сөт тапшыручылар Волчья Бистәсеннән Валентин Остолопов (рәсемдә апасы Анна) һәм Чаллы Башыннан Ринат Миннебаевларга - Федор Бурчин, ә Петр Петров (Чуаш Чабаксары), Галина Гурьянова (Рус Чабаксары) һәм Илгиз Сабировларга (Чертуш) Фәрит Вәлиуллин бүләкләр тапшырдылар.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев