Кышны озаттык
Кыш азагында аны озату күркәм традициягә әверелде. 26 февраль көнне Яңа Чишмә район үзәгендә бәйрәм ярминкәсе гөрләде, ә РМЙ каршындагы мәйданда саламнан ясалган кыш карачкысын яндырдылар. Евгений СТАРОВ
Ярминкәдә авыл товар җитештерүчеләре һәм шәхси хуҗалыклар җитештергән төрле продукция сатылды. Бу көнне дуңгыз балалары, ит, май, колбаса, сөт ризыклары иң үтемле товарлардан булды. "Зубов В.С." КФХ да үстерелгән дуңгыз балалары бик тиз сатылып бетте (рәсемдә аларны машинадан сату сурәтләнә), бәясе - тере авырлыгы 150 сумнан иде. Аларны тагын бер партия алып килеп саттылар. Ярминкәдә фермер Александр Савельев та дуңгыз балалары сатты, тик аныкылар бераз кечерәк иделәр. Владимир Зубов килограммы 170 сумнан сыер ите сатты, аңа да сорау зур булды, чөнки шәхси хуҗалыкларда ит бәясе кыйммәтрәк йөри. Продукция сату алданрак башланды, шәхси хуҗалыклар алып килгән сыер, сарык, дуңгыз итләре үтемле бәядән тиз сатылып бетте, дуңгыз мае, балык алырга мөмкин иде. КМС заводы продукциясенә ихтыяҗ зур булды, килограммы 150 сум торган ак майны кайберәүләр хәтта бишәр кило да алды. Акъярлылар алып килгән сөт, эремчек, каймакны да тиз арада алып бетерделәр. "Карат" кооперативы алып чыккан колбасаның да ассортименты киң иде, халык аны да үз итте. Хатын-кызлар көне алдыннан кипкән җиләк-җимеш, хуҗалык товарлары да әйбәт сатылды. Пешкән камыр ризыклары, яшелчәләр дә сатып алу мөмкин иде. Машинадан капчыгы 300 сумнан фураж һәм килограммы 4 сумнан арпа сатылды, тик азыкка ихтыяҗ зур түгел иде. Яңачишмәлеләр һәм район кунаклары үзләре теләгән продукт сатып ала, кайнар коймактан авыз итеп кайнар чәй эчә алдылар, аларны китапханә һәм урта мәктәп хезмәткәрләре сыйлады. Салкын җилле көндә кайнар чәй эчеп җылынган халык оештыручыларга рәхмәт белдерде. Бу юлы сатуда бозаулар юк иде, гәрчә аларны алырга теләүчеләр булса да. Ярминкәдә 500 мең сумнан артык бәягә товар сатылган. Ачык төсле костюмнардан Мәдәният бүлеге хезмәткәрләре күңелле җырлары белән халыкны Май чабу бәйрәменә кыстап, чакырып тордылар. Балалар өчен конкурслар, ярышлар оештырылды, бәйрәм азагында кыш карачкысы яндырылды.
Кышны озату бәйрәмендә халык күп түгел иде, ә бит оештыручылар якташларын товарлар һәм бәйрәм атмосферасы белән сөендерергә тырыштылар. Бу юлы балаларны ат-чаналарына утыртып йөрүләр дә булмады.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев