Сертификатлар тапшырдылар

Өч гаиләдә - Тубылгы Таудан Гөлгенә Гибадуллина, Яңа Чишмәдән Людмила Старикова, Шахмайдан Ләйсән Харрасова гаиләсендә - икенче бала, Ә Әдәмсәдән Наталья Нестерованың - өченче баласы. Әниләре белән килгән сабыйлар арасында малай бер генә - Ләйсәннеке - Риназ дип исем кушканнар, калганнары - кызлар. Наталья кызын - Софья, Людмила - Арина, ә Гөлгенә Мәрьям дип атаган.

ЗАГС бүлеге мөдире һәр исемнең мәгънәсен аңлатты. Шул исемнәрне йөрткән балаларга мөлаемлылык, дустанә булу, талант, ныклык, тәвәккәллек һәм башка шундый уңай сыйфатлар хас икән.

Гаилә, мәхәббәт һәм тугрылык көнендә аларны Алия Миръякупова, Пенсия фонды бүлеге начальнигы Ольга Попкова котлады, һәм ана капиталын файдалану турында тәфсилләбрәк аңлатма бирде. Ул хәзер аның күләме 453 мең сум тәшкил итүен искәрде. Аны баланы укытуга, торак шартларын яхшыртуга, әни кешенең булачак пенсиясен тулыландыруга тотып була. Ана капиталы акчасын балага 3 яшь тулгач файдаланырга мөмкин (әгәр капитал кредит килешүен каплауга тотылса, өч яшь тулганны көтеп тору кирәкми). -Моннан кала, хәзер пенсия фонды бүлеге ана капиталының 20 мең сумын бер мәртәбә түләү турында гариза кабул итә. Моның өчен безнең бүлеккә килеп, гариза язасы гына. Ул акчаны баланың яшенә бәйсез рәвештә алырга һәм шушы 20 мең сумны көндәлек ихтыяҗларга тотарга мөмкин.

Ольга Попкова әниләргә ана капиталы акчасының гаилә бюджетын тулыландыру өчен бер әйбәт чара булуын, гаиләләрендә мәхәббәт, тугрылык хөкем сөрүен теләде.

Ольга ИВАНОВА