Газетага 1000нән артык кеше язылды

Бу җиткерелгән заданиенең 58% ы дигән сүз. Газета укучыларыбызга район газетасына язылу өчен бер айдан аз гына вакыт калып бара.
Исегезгә төшерәбез, газетаны 6 айга 500 сумга редакциядә дә яздырып була, ул вакытта газетага язылучылар чәршәмбе һәм җомга көннәрендә газетаны редакциядән үзләре алып китәләр. Зур коллективлар (райгаз, электр челтәрләре, «Алексеевскдорстрой» филиалы, район үзәк хастаханәсе һ.б.) шулай ук бу бәядән (тик 15-20 кешедән дә ким булмаган) языла ала, ул чакта газетаны чыккан көнне без үзебез оешмаларга илтеп тапшырачакбыз.
6 айга район газетасына язылган барлык район халкы призлар уйнатуда катнаша. Түләү турында квитанция һәм чекларның күчермәләрен редакциядә почта яки электрон рәвештә «Подписка.Акция» тамгасы белән көтәбез.