Салкыннар чигенергә ашыкмый

Җитәкчеләр белән үткәрелгән планеркада район башлыгы Вячеслав Козлов барлык учреждениеләрдә, аеруча мәктәпләрдә һәм балалар бакчаларында температура режимын саклауга игътибар итү кирәклегенә басым ясады, һәр җирдә дә кизү тору булдырылырга тиеш, диде. Коммуналь, газ хезмәтләре, электр челтәрләре һәм хастаханә теләсә нинди экстремаль хәлләргә әзер булырга тиеш. Бу барлык авыл җирлекләре башкарма комитетларына да кагыла.

Үткән атна эчендә районда Чуаш Чабаксары һәм Яңа Иванаево авылларында яшәүче ике кешенең бармаклары туңу очрагы теркәлгән.