Ана капиталыннан ничек файдаланырга мөмкин

Яңа Чишмәдә яшәүче Анастасия болай дип сорый: «Мин ана капиталы ярдәмендә әти-әнием йортындагы үз өлешемне сатып ала аламмы? Йорттагы өлешем 1\4 тәшкил итә.

Әлеге сорауга Яңа Чишмә районында Клиентлар хезмәте җитәкчесе (бүлек хокукларында) Лилия Хираҗева җавап бирә:

- «Балалары булган гаиләләргә дәүләт ярдәменең өстәмә чаралары турында»гы Федераль закон нигезендә (29.12.2006 ел, № 256-ФЗ) ана капиталы акчалары сатып алынган торак урыны өчен түләүгә юнәлдерелергә мөмкин.

Анастасия, законда ата-аналардан торак сатып алуга чикләүләр юк. Әмма тәкъдим ителгән документларның берсе булса да гаиләнең торак шартларын яхшырту   максатын исбатларга тиеш. Әгәр бу шарт үтәлмәсә, Пенсия фонды Идарәсе ана капиталы акчаларын торак урынын сатып алу өчен бирүдән баш тартырга мөмкин.

Моннан тыш, фатирда милек хокукында өлеш сатып алу юлы белән торак шартларын яхшыртуга ана капиталы акчаларын файдалану өчен, тәкъдим ителгән документларда сатып алына торган өлешнең изоляцияләнгән торак урыны булуы турында беленергә тиеш.

Өстәмә рәвештә шуны хәбәр итәбез: ана капиталы акчаларына сатып алынган торак сертификатның хуҗасы, аның ире һәм балалары исеменә рәсмиләштерелергә тиеш.