Октябрьдә пенсияне кемгә арттырачаклар?
Октябрьдә өстәмә пенсияне июньдә эштән киткән пенсионерлар ала алачак - барлык индексацияләрне исәпкә алып, пенсияне аларга эштән киткән айдан соң килүче айдан санап күчерәчәкләр.
Ягъни пенсионер кеше пенсиянең индексацияләнгән яңа күләмен эштән киткән көннән өч ай үткәч кенә ала башлаячак, әлеге өч айның акчасы аңа компенсацияләнәчәк.
Шуны да искәртик: хезмәт эшчәнлеге туктатылганнан соң, шушы чорда булган индексацияләр исәпкә алынган иминият пенсиясенең күләме, эш туктатылган айдан соң килүче айның 1 нче көненнән башлап түләнә. Шул ук вакытта Пенсия фондына гариза бирү кирәк түгел, чөнки эш бирүчеләр һәр айның 15 числосына кадәр РПФга хисап җибәрәләр һәм эшне башкару факты автомат рәвештә билгеләнә.
Әгәр пенсионер күпмедер вакыт үткәннән соң яңадан эшкә урнашса, аның иминият пенсиясе күләме кимемәячәк.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев