Яңа Чишмә хәбәрләре
  • Рус Тат
  • Безнең боксчылар - спорт мастерлыгына кандидат

    10 декабрьдән 14 енә чаклы Ижевск шәһәрендә бокс буенча "Хәтер" дип аталган Бөтенрәсәй турниры үтте, анда Рәсәйнең 7 төбәгеннән җыелган 100 дән артык спортчы катнашты.

    Безнең район данын игезәк ир-туганнар Арут белән Роберт Арутюняннар яклады(алар Яңа Чишмә гимназиясенең 11 сыйныфында укыйлар). Боксчылар көрәше барышында Арут белән Роберт икесе дә үз авырлык категориясендә (56 һәм 60 кг га чаклы) титуллы боксчылар, шул исәптән спорт мастерлыгына кандидатларны җиңүгә ирештеләр. Бу җиңү аларга спорт мастерлыгы кандидаты нормаларын үтәргә мөмкинлек бирде.
    Егетләрне Леонид Шабалин өйрәтә, остазның осталыгы һәм таланты егетләргә шундый югары нәтиҗәләргә ирешергә ярдәм иткән. Яшь боксчыларны матур нәтиҗәләре белән котлап, яңа җиңүләргә ирешүләрен телибез. Шулай ук район бокс федерациясе рәисе Алексей Трондинга безнең районда боксны үстерүгә ярдәм күрсәткәне өчен зур рәхмәт белдерәбез.
    Азат МУСИН

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: