Гер күтәрүчеләр 1-2 урында

Май аенда Чистайда якташыбыз, спорт мастеры Г.С. Касеев истәлегенә гер спорты буенча ачык турнир үтте.

Тубылгы Тау мәктәбеннән һәм Зирекле агролицееннан тупланган безнең команда һәр елны шундый турнирда катнаша. Безнең спортчылар бар да призлы урыннар яулап, медальләр һәм грамоталар белән бүләкләнделәр. Беренче урынны Рифат Әбдрәфыйков, Илгизәр Сәримов, Алия Хатыйпова (Тубылгы Тау мәктәбе), Ислам Зәйнуллин (Зирекле агролицее) яуласа, икенче урында - Нәфис Хөснетдинов (Зирекле агролицее), Алинә Хәсәнова, Кристина Миронычева (Тубылгы Тау). Алсу Вәлиева (Зирекле агролицее), Элнар Исмәгыйлов, Рәмизә Хөсәенова (Тубылгы Тау мәктәбе) - өченче урында. Спортчыларны тренерлар Ринат Гатин һәм Ирек Вәлиев (ир-атлар арасында беренче урынны яулаучы) хәзерләгән.