Реклама
Спорт
Гер күтәрүчеләрнең чираттагы уңышы
2011 елның 10 декабрендә СССРның спорт мастеры, Рәсәй һәм Татарстан республикасы чемпионы Т.Г. Биккинеев истәлегенә багышланган гер спорты буенча 14 нче республика турнирында кече (1995 елгы һәм яшьрәк) һәм урта (1994 елгы һәм зуррак) яшьтәге яшүсмерләр командалары катнашты. Ярышлар Биектау авылының яңа "Биектау" универсаль спорт залында үтте. Нигездә уенчылар бар...
2011 елның 10 декабрендә СССРның спорт мастеры, Рәсәй һәм Татарстан республикасы чемпионы Т.Г. Биккинеев истәлегенә багышланган гер спорты буенча 14 нче республика турнирында кече (1995 елгы һәм яшьрәк) һәм урта (1994 елгы һәм зуррак) яшьтәге яшүсмерләр командалары катнашты.
Ярышлар Биектау авылының яңа "Биектау" универсаль спорт залында үтте. Нигездә уенчылар бар да медальләр яуладылар, көрәш бик киеренке барды. Спортчыларның осталыгы, чыдамлылыгы зур. Кайвакыт медаль язмышын ярты очко хәл итте. Ярышларның төп хөкемдары, халыкара категориягә ия судья Ф.А. Гарифуллин спортчыларның ныклы хәзерлеген искәрде. Җиңүчеләргә медальләрне, дипломнарны, кыйммәтле бүләкләрне Биектау районы башлыгы, легендар спортчының улы һәм башкарма комитет җитәкчесе тапшырды. Ярышлар 4 баскычта үткәрелде. Республика категориясенә ия судья буларак, мин 4 - баскычта хөкем иттем. Түбәндәге спортчылар призлы урыннар яуладылар: Газизов Зөлфәт - алтын медаль, Быстренин Сергей - алтын медаль, Чесноков Алексей - алтын медаль (ТРның дүрт мәртәбә чемпионы - Әлмәттәге спорт техникумы студенты), Гыйматдинов Айнур - көмеш медаль, Әбдрәфыйков Илназ - көмеш медаль (Чистай агролицее студенты), Насонов Юра - бронза медаль (118 нче ҺУ студенты), Шершнев Тимур белән Минаев И. дүртенче урында. Өлкәннәр дә: Яңа Чишмә гимназиясеннән гер спорты буенча тренер, физкультура укытучысы Евгений Леонов һәм КМС заводы операторы Александр Попков әйбәт чыгыш ясадылар. Яше шактый (57 яшь) булуга карамастан, ул яшь спортчылар белән көч сынашты һәм мактауга лаек булды. Спорт ветераны буларак, аңа истәлекле бүләк тапшырылды. Медальләр саны буенча без Зәй командасыннан бераз калыштык, анда якташыбыз, Зирекле кешесе, спорт мастеры, дөнья чемпионы Рәфис Гатин тренер булып эшли. Турнир югары дәрәҗәдә оештырылган һәм МФГС таләпләренә җавап бирә. Спортчыларга сәламәтлек, 2012 елда гыйнвар азагында Ютазы районы Урыссу поселогында үтәчәк ТР чемпионатына әйбәт әзерләнүләрен һәм уңышлар телисе килә.
Ринат ГАТИН, гер спорты буенча тренер, Тубылгы Тау урта мәктәбенең физкультура укытучысы
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев