Катнаш һәм от!
"Татарстан кроссы-2012" республикабызның барлык шәһәрләрендә һәм авылларында узды. Бөтенроссия йөгерүчеләр көнендә Яңа Чишмәдә "Олимп" спорт комплексы территориясенә районның барлык торак пунктларыннан сәламәт яшәү рәвеше алып баручылар һәм физкультурачылар җыелган иде. Кросста 7 яшьтән алып 50 не узган өлкәннәргә чаклы 150ләп кеше катнашты. Араларында район оешмалары һәм учреждениеләре вәкилләре, предприятиеләр, авыл...
"Татарстан кроссы-2012" республикабызның барлык шәһәрләрендә һәм авылларында узды.
Бөтенроссия йөгерүчеләр көнендә Яңа Чишмәдә "Олимп" спорт комплексы территориясенә районның барлык торак пунктларыннан сәламәт яшәү рәвеше алып баручылар һәм физкультурачылар җыелган иде. Кросста 7 яшьтән алып 50 не узган өлкәннәргә чаклы 150ләп кеше катнашты. Араларында район оешмалары һәм учреждениеләре вәкилләре, предприятиеләр, авыл хуҗалыгы оешмалары эшчеләре бар иде. Кросста катнашучыларны яшьләр эшләре, спорт һәм туризм бүлеге начальнигы Ольга Лаврентьева сәламләде. Ул һәммәсен йөгерүчеләр көне белән котлады һәм сәламәтлек теләде. Яшьләр эшләре бүлеге тренеры Сергей Сафонов һәрбер (15) йөгерешнең старт һәм финиш урынын билгеләде, иң кечкенәләр - башлангыч сыйныф укучылары 500 метрлы арага йөгерделәр. Бу узышта Александр Федотов (Чуаш Чабаксары), Настя Семенова (Екатериновка), Ислам Гибадуллин (Әдәмсә), Марат Зарипов (Зирекле), Йолдыз Шәхиева (Ленино), Айсылу Шәйхетдинова (Шахмай) тизлек күрсәттеләр.
1000 метрлы дистанциядә өченче һәм дүртенче узышта урыннар түбәндәгечә билгеләнде: Рәфәгат Шәрифуллин (Зирекле), Александр Карцев (Яңа Чишмә), Мубин Киргизбаев (Шахмай); кызлардан Илсөяр Шәмсетдинова (Шахмай) беренче килде - Катя Мельникова (Чуаш Чабаксары)- икенче, Маргарита Котова (Әдәмсә) - өченче.
8-9 сыйныф егетләре һәм 8-11 сыйныф кызлары 1500 шәр метрга йөгерде. Екатериновкадан Владимир Финагентов ышанычлы төстә алда барып, Ленар Шәмсетдинов (Шахмай) белән Сергей Алешинны (Ленинодан) 2-3 адымга узды. Кызлар арасында Светлана Нестерова (Рус Волчья) һәм Гөлинә Гыйльманова (Чаллы Башы) - беренче, Рузилә Хәлилова (Тубылгы Тау) һәм Ландыш Нәҗипова (Кр. Октябрь) - икенче, Рамилә Шакирова (Чаллы Башы) һәм Раилә Баһауетдинова (Шахмай) өченче булып килделәр.
10-11 сыйныф укучылары иң түземлеләре булды. Алар 2000 метр арага йөгерделәр һәм урыннар түбәндәгечә билгеләнде: Раил Гыйбадуллин - Әдәмсә (1 урын), Риназ Ризванов - Шахмай (2 урын), Дмитрий Грязнов - Екатериновка ( 3 урын).
Спорт бәйрәмен ябу тантанасында барлык җиңүчеләргә дипломнар һәм истәлекле бүләкләр тапшырылды, алда атап үтелгән җиңүчеләрдән тыш, пьедесталда Илфат Садыйков (Зирекле), Татьяна Зарубина (Россия ГТХ), Александр Немцов (БСМ), Елена Туктаманова (ЧЭС), Марат Кәримов (полиция), Рәфис Вафин (РҮХ), Лилия Хираҗевалар (пенсия фонды) - узышларда катнашучы өлкәннәр (зурлар) арасында үз категорияләрендә 1 урынны яулаучылар да урын алды, 2 һәм 3 урыннарны алучыларга да бүләкләр тапшырылды.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев