Сезон уңышлы башланган
Николай Скоковның җәйге спорт сезоны уңышлы башланган. 3 майда Казан ипподромында җәйге узыш сезонын ачу тантанасында "Классика" исемле бия Идел елгасы хөрмәтенә үткәрелгән чабышта җиңү яулаган.
Орлов токымлы дүрт яшьлек бияләр сезоны старт алган. Бу көнне "Классика"да атта оста йөрүче Фагыйл Халиков булган. Шулай ук Скоковның "Вспышка"сы икенче урынны алган (атта - Ирина Бакурина). Ә бер атнадан соң "Отклик" исемендәге традицион рәсәй призына үткәрелгән ярышларда "Вспышка" инде җиңү яулаган. Ә "Классика" финишка өченче булып килгән. Беренче ике старт - ике җиңү. Николай Скоковны җәйге сезонны уңышлы башлавы белән котлап, алда да яңа җиңүләр юлдаш булсын, дигән теләктә калабыз.
Хәзер Николай Скоков атларын Сабантуйдагы ярышларга әзерлиләр, ә август аенда Ульяновск шәһәрендә алар орлов токымлы юртаклар фестивалендә республика данын яклаячаклар.
Евгений СТАРОВ
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев