«Ягез әле, егетләр»
Ватанны саклаучылар көнендә "Олимп" УСЗ-да бәйрәм хөрмәтенә балалар - яшьләр спорт мәктәбенә (БЯСМ) йөрүчеләр спорт ярышларында катнаштылар. Бәйрәм өстенә бәйрәм булды - 19 февральдә "Олимп" ачылуга 2 ел тулды. Беренче булып 15 мәктәп командасы арасында футбол буенча матч үтте. Ярышта Яңа Чишмә гимназиясе укучылары җиңү яуладылар, 2 урында - Архангел...
Ватанны саклаучылар көнендә "Олимп" УСЗ-да бәйрәм хөрмәтенә балалар - яшьләр спорт мәктәбенә (БЯСМ) йөрүчеләр спорт ярышларында катнаштылар.
Бәйрәм өстенә бәйрәм булды - 19 февральдә "Олимп" ачылуга 2 ел тулды. Беренче булып 15 мәктәп командасы арасында футбол буенча матч үтте. Ярышта Яңа Чишмә гимназиясе укучылары җиңү яуладылар, 2 урында - Архангел мәктәбе командасы, өченче - Петропавел Бистәсе укучылары. Ярышларны "Ягез әле, егетләр!" конкурсы дәвам иттерде. Озынлыкка сикерү, идәннән этелү, турникта тартылу, каршылыкларны үтеп йөгерү, Калашников автоматын сүтеп-җыюда 8 малай катнашты. Николай Маранов беренчелеккә чыкты Денис Песоцкий белән Сергей Никитин аннан калыша төштеләр. Берүк вакытта "Жемчужина" да кроль стилендә чалкан һәм күкрәккә ятып тизлеккә йөзү, брасс ярышлары үтте, бик оста йөзмәүчеләр тактага тотынып йөзделәр. Денис Песоцкий, Илнар Нуретдинов, Иван Попков, Айрат Алукаев, Айнур Гиниятуллин бик оста йөзүчеләр булып чыктылар. Йөзү буенча махсус төркемдә йөрүче физик мөмкинлекләре чикле балалар (тренер - О. Роменская) бәйрәм хөрмәтенә татлы бүләкләр алдылар.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев