25 октябрь – Корбан гаете
Ислам буенча корбан чалу - эре һәм вак мөгезле терлекне Аллаһ ризалыгы өчен бәйрәм көннәрендә корбан чалу ул. Корбан чалу төп ихтыяҗларын санамаганда (мәсәлән, торак, кием, машина, өй җиһазлары), малы 114 мең 500 сумга җиткән кешеләргә вәҗип санала. Корбан чалу гает намазыннан соң үтәлергә тиеш. Әгәр бу эш гает намазына...
Ислам буенча корбан чалу - эре һәм вак мөгезле терлекне Аллаһ ризалыгы өчен бәйрәм көннәрендә корбан чалу ул.
Корбан чалу төп ихтыяҗларын санамаганда (мәсәлән, торак, кием, машина, өй җиһазлары), малы 114 мең 500 сумга җиткән кешеләргә вәҗип санала. Корбан чалу гает намазыннан соң үтәлергә тиеш. Әгәр бу эш гает намазына кадәр башкарылса, дөрес саналмый. Корбан өч көн дәвамында - көн яктысында, кояш баеганга кадәр - гает көнне һәм аннан соңгы ике көн дәвамында чалына.
Корбанны үзең чалсаң хәерлерәк. Кем чалса да өч шартны үтәргә кирәк: 1. Корбан чалуны үтәүчедә аны тапшырган кешенең исеменнән чалу нияте булырга тиеш һәм корбан чалуны үтәүче: "Әй Аллаһ, бу корбан синнән һәм сиңа кайта, фәләннән кабул ит", - дип әйтсә яхшырак. 2. Корбан чалуны үтәүче мөселман булырга тиеш. 3. Корбан чалган өчен чала торган корбанның ите белән түләнергә тиеш түгел.
Кимендә ике яшьлек сыер яки үгез, бер яшьлек яки кыяфәте белән бер яшьлеккә охшаш кәҗә яки тәкә чалына. Ачыктан-ачык авыру, карт хайванны, сукыр яки аксак малны, ашарга яраклы нинди дә булса әгъзасы, мәсәлән койрыгы булмаган терлекне чалырга рөхсәт ителми. Ә менә мөгезләре киселгән яки печтерелгән хайван корбан чалу өчен туры килә.
Корбанлык итне өч өлешкә бүлү хәерлерәк. Өчтән берен үзеңә калдырырга һәм бәйрәм табыны әзерләргә, өчтән берен туганнарга һәм мохтаҗларга өләшергә һәм калган өчтән берен сакларга калдырырга була.
"Ашагыз, ашатыгыз һәм саклагыз", - дигән пәйгамбәребез. Түбәндәгечә дә эшләп була: өчтән берен гаиләңә калдырасың, ә өчтән ике өлешен туганнарга, күршеләргә, мохтаҗларга һәм ярлыларга өләшәсең.
Корбан итен туганнарга, ярлыларга һәм мохтаҗларга өләшкәндә, дин әһәмияткә алынмый.
Хөрмәтле яңачишмәле мөселман кардәшләр!
Мөселманнар өчен изге көннәрнең берсе булган Корбан гаете Зөлхиҗҗә аеның 10 нчы көненә туры килә. Бәйрәм гает намазыннан башланып китә. Мәчетләрдә иртәнге намаз укылганнан соң, бәйрәм вәгазе башланып китәчәк. Гает намазы исә иртәнге сәгать 8 дә укыла. Барыгыз да мәчетләргә рәхим итегез!
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев