Часовняга нигез салынды
22 майда Петропавел Бистәсендә хәйриячеләр - Яңа Чимшәдән ирле-хатынлы Владимир һәм Мария Козловлар акчасына торгызылачак часовня төзеләсе урынны изгеләндерү тантанасы булып үтте. Төзелеш урынында урынны изгеләндерү, нигез ташы салу һәм Тәре кую вазыйфасын Чистай шәһәреннән килгән протоиерей, Сергий атакай җитәкләде. Бәйрәмгә Петропавел авыл җирлеге халкы һәм район җитәкчеләре чакырылган иде....
Часовня төзү өчен бик уңайлы урын сайланган, ул борынгы чиркәүдән ерак та түгел. Чараны оештыручылар - районда дини сәясәт мәсьәләләренә курьерлык итүче район башлыгы урынбасары Наилә Закирова, Петропавел авыл җирлеге башкарма комитеты бәйрәм югары дәрәҗәдә узсын өчен нык тырышканнар. Киң тасма белән уратып алынган иркен мәйданда олысы-кечесе - бар да җыелган иде, өлкәннәр өчен эскәмияләр дә куелды.
Бистәдә туган Мария Козлова сүзләренә караганда, туган авылында часовня һәм чиркәү торгызу аның күптәнге хыялы булган. Район башлыгы Вячеслав Козлов петропавеллыларны истәлекле көн белән котлады һәм районда изге урыннарны төзүнең һәм яңадан үзгәртеп коруның мөһимлеген билгеләп үтте. Аннан соң ачык һавада Яңа Чишмә районы чиркәве өлкән поплары: Архангел чиркәвеннән Георгий атакай, Петропавелдан - Митрофан атакай һәм Черемуховодан - Илья атакайлар Сергий атакай җитәкчелегендә барлык дини йолаларны үтәп махсус гыйбадәт кылдылар.
Ниһаять, иң мөһим мизгел җитте. Казылган зур булмаган чокырга руханилар шушы урынның изгелек символы булып торачак Тәрене догалар укып, изге су бөркеп, куйдылар. Сергий атакай янәшәдә генә булган чокырга да беренче таш куеласы урынга изге су бөркеде һәм мастерок алып измә белән ныгытты. Руханилар булачак часовняның бар ягына да изге су бөркеделәр.
Бәйрәм ахырында якшәмбе мәктәбенә йөрүчеләр үзләре һәм остазлары Татьяна Лосева белән әзерләгән пасха йомыркасы турында искиткеч яхшы миниатюра күрсәттеләр. Петропавеллылар рухланып өйләренә таралыштылар - часовняны торгызуга беренче адым ясалды.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев