Диңгезчеләр бәйрәме
Гадәттә июльнең соңгы якшәмбесендә билгеләп үтелүче Рәсәйнең Хәрби-диңгез флоты көнендә район үзәгендә "Олимп" УСЗ алдында бәйрәм кичәсе булып узды. Аңа барлык яңачишмәлеләр, диңгез флотында хезмәт иткән өлкән буын һәм яшь буын вәкилләре чакырылган иде.
Мәдәният бүлеге, авыл мәдәният йортлары хезмәткәрләренең уртак концертында Яңа Иванаеводан "Сувенир" ВИА, Любовь Коновалова, Чуаш Чабаксарыннан "Илем" халык ансамбле, Архангел Бистәсе, Чаллы Башы, Акбүре һәм башка авыллардан җырчылар үзләренең җырлары белән сөендерделәр. Алар башкаруында "Ты морячка, я моряк", "Там за туманами" кебек җырлар яңгырады. Бәйрәмдә элеккеге диңгезчеләр актив катнашты, алар аркан тартышуда, "Яблочко", лезгинк, ламбада, рок-н-ролл биюләрендә, диңгезчеләр төенчеге бәйләүдә, Россия флоты тарихын, диңгезчеләр терминнарын белүдә ярыштылар. Җиңгән өчен аларга бүләкләр тапшырылды. Аларның күпчелеген ак парад формасы кигән шефлыкка алынган" Сәмум" кораблендә хезмәт итеп кайтучы егетләр тәшкил итте. Бу кичне тантана сәбәпчеләренең хатыннары һәм балалары буй-буй тельняшкалар кигән иде, ә "Факел" лагерыннан килгән балалар Андреев әләме рәсеме төшерелгән наклейканы битләренә ябыштырып куйганнар. Концерт бик җанлы үтте, халык та күп җыелган иде, кайберләре вальс, ритмлы биюләргә дә бик теләп кушылдылар. Концерт салют фейерверкы белән төгәлләнде, аннан соң дискотека башланды.
Ольга ИВАНОВА
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев