Иске әкият яңача
27 декабрьдә үткән район башлыгының чыршы бәйрәмендә физик мөмкинлекләре чикле балалар, тәрбиягә һәм опекага алынган, ятим балалар һәм уку алдынгылары бәйрәм итте. РМЙ-ның тамаша залында аларга бик матур тамаша күрсәтелде, бәйрәм күчтәнәчләре һәм уенчыклар тапшырылды. Ольга ИВАНОВА
Яңа Чишмә урта мәктәбе укучылары (җитәкчеләре директор урынбасары И. Иляшкина) башкаруында "Яңача Золушка" әкияте бәйрәмнең "кадагы" булды. Ш. Перроның танылган әкият сюжеты дөньякүләм масштабта заманча темага фантазияләр белән бик оста үрелгән (компьютер, Интернет, ТВ смарт кулланып), актуаль җирле тематика ("Жемчужина" бассейнына, райондагы супермаркетларга һәм гүзәллек салоннарына йөрү) белән баетылган. Моннан "үзгәртелгән" әкият үзенең матурлыгын югалтмаган, киресенчә, кызыграк та килеп чыккан. Артистлар үзләрен иркен тотып, бөтен осталыкларын эшкә җиктеләр. Иң ачык персонаж Золушканың көйсез кыз туганы булды, бу рольне Ксения Байрачная бик оста башкарды. Балаларны Яңа ел белән бәйрәмне оештыручы район башлыгы Вячеслав Козлов котлады. Ул һәммәсенә теләкләренең тормышка ашуын, һәр елны чыршы төбендә үзләре теләгән бүләкләрне табып алуларын һәм бүгенгесе бүләкләрнең хыялларына бер адым булуын теләде. Чыршы бәйрәменә ныклап әзерләнүчеләр зур йомшак уенчыкларга тиенделәр, район башлыгы бүләкләрне "Иң матур яңа ел костюмы" конкурсында җиңүчеләргә тапшырды. Матур итеп ясалган картон тартмалар белән күчтәнәчләр тарату бәйрәмнең төгәлләнүен хәбәр итте. Шул ук көнне кич үзәк чыршыны ачу тантанасы узды. Анда мәдәният бүлеге артистлары һәм балалар чыгыш ясады. Бәйрәмне төгәлләп фейерверк утлары җемелдәште.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев