Татьяна көне күңелле үтте
25 гыйнвар кичендә "Жемчужина" бассейны фойесы гөрләп торды. Бирегә Студентлар көненә, икенче атамасы - Татьяна көненә район яшьләрен: мәктәп тәмамлаучыларны, вузларда һәм техникумнарда белем алучы студентларны, булачак студентларны - 11 сыйныф укучыларын чакырган иделәр. Аны үткәрү идеясе бәйрәмне оештыручылар: яшьләр эшләре, мәгариф, мәдәният бүлекләре, балалар иҗат үзәгенеке, тантананың сәбәпчеләре дә...
25 гыйнвар кичендә "Жемчужина" бассейны фойесы гөрләп торды. Бирегә Студентлар көненә, икенче атамасы - Татьяна көненә район яшьләрен: мәктәп тәмамлаучыларны, вузларда һәм техникумнарда белем алучы студентларны, булачак студентларны - 11 сыйныф укучыларын чакырган иделәр. Аны үткәрү идеясе бәйрәмне оештыручылар: яшьләр эшләре, мәгариф, мәдәният бүлекләре, балалар иҗат үзәгенеке, тантананың сәбәпчеләре дә бу идеяне хуплап каршы алдылар.
Чынлап та, туган ягыңда бергә җыелып, формаль булмаган шартларда аралашуга, биюгә, күңел ачуга ни җитә. Беррәттән фәнне үзләштерү үрләренә йомгак та ясалды - әти-әниләр мәртәбәле урыннарда тикмәгә генә утырмады. Акыллы һәм талантлы балалар тәрбияләгән өчен, бик әйбәт укучы студентларның әти-әниләре: Руфия Җамалетдинова, Наталья Закройщикова, Фәнис Һәм Тәслимә Галиуллиннар, Светлана Емелина, Рәкыйп һәм Нурфия Әхмәтовлар район башлыгы урынбасары Наилә Закирова кулыннан рәхмәт белдерелгән Дипломнар алдылар. Студентлар - яшь кешеләр, шуңа да тормышны яратучы, күтәренке күңеллеләр. Яңа Чишмә гимназиясенең югары сыйныф укучылары башкаруында мәзәкчән мюзикл героеның маҗараларын шау-гөр килеп кабул иттеләр. Бәлки кемдер лекциядә йоклап утырган "инә белән кое казучыда" үзен яисә үзенең дусларын танып алгандыр, аларга да "матур тормыш" турында төшләр күп кергәндер. Күрәмсең, булачак студент тормышын алдан ук сизеп ләззәтләнеп, гимназиячеләр үзләрен бик җиңел һәм иркен тоттылар, төштә түгел, ә өндәге җыр-биюләре белән барысын да сөендерделәр.
Очрашу өчен "Жемчужина"ның сайлануы юкка түгеллеген аңлап була, балаларны алдан ук: "Үзегез белән коену костюмнары алыгыз", - дип кисәткән иделәр. Бассейнда алар өчен суда ярышлар оештырдылар - тизлеккә узышу, эстафеталар, "Су төбеннән энҗе бөртеге җый" конкурсы, үзенчәлекле сикерү һ.б. Күбесе бассейнда беренче тапкыр коенды һәм бу бүләкне югары бәяләделәр. Туйганчы йөзгәннән соң, алар фойеда соклар, лимонадлар, тәм-томнардан авыз иттеләр. Кичә дискотека белән төгәлләнде.
Ольга ИВАНОВА
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев