Теләсәң эш табыла
13 июльдә район башлыгы Вячеслав Козлов армиядә хезмәт итеп быел өйләренә әйләнеп кайтучы егетләр белән очрашты. Очрашу "Олимп" спорт комплексында узды. Демобилизацияләнгән 45 егетнең нибары 13се генә очрашуга килгән иде. Очрашу барышында сөйләшүнең төп темасы егетләр өчен дә, район өчен дә бик актуаль иде - эшкә урнашып, авылда яшәргә һәм...
13 июльдә район башлыгы Вячеслав Козлов армиядә хезмәт итеп быел өйләренә әйләнеп кайтучы егетләр белән очрашты. Очрашу "Олимп" спорт комплексында узды. Демобилизацияләнгән 45 егетнең нибары 13се генә очрашуга килгән иде.
Очрашу барышында сөйләшүнең төп темасы егетләр өчен дә, район өчен дә бик актуаль иде - эшкә урнашып, авылда яшәргә һәм эшләргә калу. Очрашуга район башкарма комитеты җитәкчесе урынбасары Валентина Семеняк, хәрби комиссариат белгече Алексей Мельников, полиция бүлеге начальнигы Игорь Коробочкин, РҮХ баш табибы Ришат Билалов, авыл хуҗалыгы идарәсе җитәкчесе Сергей Баранов, Мәшгульлек үзәге директоры Луиза Исхакова, яшьләр эшләре буенча бүлек начальнигы Ольга Лаврентьева һәм РМБ җитәкчесе Гөлсинә Мөбәракшиналар чакырылган иде.
Вячеслав Михайлович җыелучыларга мөрәҗәгать итеп, егетләрнең барысы да районда үз урыннарын табачакларын, аларны эшкә урнаштыру һәм тиешле ташламалар тәкъдим итү мәсьәләләрен хәл итүдә район җитәкчелеге ярдәме буласын искәрде. Һәр егеттән алган белеме, киләчәккә планнары хакында сораштырдылар, Андрей Абрамовка һәм Ленар Исмәгыйловка мәктәпләрдә укытучы эшен тәкъдим иттеләр, алар читтән торып Алабуга пединститутында укуларын дәвам итәчәкләр. КамПИ да белем алучы Антон Васильевны район территориясендә урнашкан нефть компаниясенә тәкъдим итәчәкләр. Рөстәм Гафиятов исә хокук саклау органнарындагы эш белән кызыксынды, аның югары юридик белеме бар. «Мелиорация» профиле буенча югары белеме булган Александр Гордеев белән авыл хуҗалыгы идарәсе начальнигы кызыксынды һәм ул аңа инженер вазыйфасы тәкъдим итте. Хезмәтен тутырып кайткан Илнур Мортазин исә төзүчеләр техникумында укуын дәвам итәчәк. Дипломлы хезмәткәрләргә ихтыяҗы булган төзелеш оешмаларына алар белән килешү төзергә һәм уку чорында аларга матди ярдәм күрсәтеп торырга тәкъдим ителде. Сергей Скоков Әлмәттә югары белем алган һәм Әлмәттә урнашып калырга теләгән, тик район хакимиятендә урын тәкъдим иткәч, баш тартмаган, уйларга булган. Тик Сергей туганнары һәм күршеләре өчен дә борчыла, алар яшәгән җирдән Красный Октябрь үзәгенә чаклы юл бик начар, Вячеслав Михайлович быел анда асфальт түшәп булмас, шулай да йөк транспорты белән юлны изүчеләрдән тигезләттерәчәкбез, дип вәгъдә бирде.
Яшьләр эшләре бүлеге Владимир Темников белән Айнур Галимовны эшкә чакырды. Егетләрнең икесендә дә - физкультура белеме. Алексей Ерохин Казан энергетика техникумында көндезге бүлектә укуын дәвам итәчәк, ә Иван Еграшкин 118 нче ҺУ-на кереп шофер һөнәре алачак. Алексей Быков Яр Чаллыда төзелеш компаниясендә эшли инде, аның очрашуга килүе үзе файдалы тәкъдим булса, кайтырга әзер булуын күрсәтә (шулай уйларга нигез бирә). Районда да төзелеш бара, хезмәт хаклары да начар түгел, сине үзебездә көтеп калабыз, кайчан кайтсаң да эш бар, - диде Вячеслав Михайлович. Илфат Нургатин да техник-төзүче, ул Казанда эш тапкан. Кече Ватаннарына кайтырга теләмәүчеләргә дә уңышлар телибез, берүк зур шәһәрдә югалып кала күрмәсеннәр.
Лариса ФЕДОРОВА
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев